গুৱাহাটী, 14 এপ্ৰিলঃ আজি পহিলা ব'হাগ । মহামাৰী কৰ'ণা ভাইৰাচে সমগ্ৰ বিশ্বতে ভয়াৱহ পৰিস্থিতিৰ সৃষ্টি কৰিছে যদিও অনুষ্টুপীয়াকৈ হ'লেও প্ৰতিজন অসমীয়াই পালন কৰিছে চেনেহৰ ৰঙালী বিহু । চৰকাৰী নিয়ম ভংগ নকৰাকৈ মহানগৰীতো উদযাপন কৰে ৰঙালী বিহু ।
অনুষ্টুপীয়াকৈ হ'লেও বিহু উদযাপন কৰিলে মহানগৰীবাসীয়ে
মহানগৰীৰ শিলপুখুৰীৰ প্ৰাকৃতিক নিৱাস ফ্লেট অনাৰ এছ'চিয়েছনে পালন কৰে বিহু । সামাজিক দূৰত্ব বজাই ৰাখি আনন্দ উল্লাস কৰে প্ৰাকৃতিক নিৱাসৰ আৱাসীসকলে । গীত-নৃত্যৰে এক বিনন্দীয়া পৰিৱেশৰ সৃষ্টি হয় শিলপুখুৰীত । অলপ সময়ৰ কাৰণে হ'লেও মহামাৰী কৰ'ণাৰ ভয় পাহৰি বিহুৰ আনন্দ উছাহত ব্যস্ত হৈ পৰে তেওঁলোক । ইফালে সকলোকে চৰকাৰী নিয়ম মানি চলিবলৈ আহ্বান জনাই প্ৰাকৃতিক নিৱাস ফ্লেট অ'নাৰ এছ'চিয়েছনে।
