গুৱাহাটী, ১২ ডিচেম্বৰ : অসমৰ মুখ্যমন্ত্ৰী ড৹ হিমন্ত বিশ্ব শৰ্মাই মঙলবাৰে সংসদ ভৱনত কেন্দ্ৰীয় পেট্ৰ’লিয়াম আৰু প্ৰাকৃতিক গেছ মন্ত্ৰী হৰদীপ সিং পুৰীক সাক্ষাৎ কৰে । লগতে মুখ্যমন্ত্ৰী শৰ্মাই সাক্ষাৎ কৰে ৰাষ্ট্ৰীয় নিৰাপত্তা উপদেষ্টা অজিত দোভালকো ।
সেউজ অৰ্থনীতিৰ ক্ষেত্ৰত অসমৰ বিপুল সম্ভাৱনা আৰু সম্ভাব্য কৌশলগত বিনিয়োগে ৰাজ্যখনক কেনেদৰে এক বৃহৎ শক্তি কেন্দ্ৰলৈ মুকলি কৰি দিব পাৰে, সেই সন্দৰ্ভত মুখ্যমন্ত্ৰী ড৹ হিমন্ত বিশ্ব শৰ্মাই কেন্দ্ৰীয় পেট্ৰ’লিয়াম মন্ত্ৰীগৰাকীৰ সৈতে এক গুৰুত্বপূৰ্ণ আলোচনা কৰে ।
সেউজ শক্তিখণ্ডত অসমৰ প্ৰচণ্ড সম্ভাৱনাৰ প্ৰতি লক্ষ্য ৰাখি কেন্দ্ৰীয় চৰকাৰে ৰাজ্যখনক শক্তিৰ এক প্ৰধান কেন্দ্ৰ হিচাপে গঢ়ি তুলিবলৈ সম্ভৱপৰ সকলো সহায় আগবঢ়াব বুলিও কেন্দ্ৰীয় মন্ত্ৰীগৰাকীয়ে উল্লেখ কৰে ৷ মুখ্যমন্ত্ৰীক এই আশ্বাস প্ৰদান কৰে কেন্দ্ৰীয় পেট্ৰ’লিয়াম আৰু প্ৰাকৃতিক গেছ মন্ত্ৰী হৰদীপ সিং পুৰীয়ে ৷
