গুৱাহাটী,20 ফেব্ৰুৱাৰী: অখিল গগৈসহ কৃষক মুক্তি সংগ্ৰাম সমিতিৰ নেতা সকল কাৰাগাৰত বন্দী হোৱাৰ পিছত কা' বিৰোধী আন্দোলনৰ তীব্ৰতা হ্ৰাস পাইছে । আছু আৰু কৃষক মুক্তি সংগ্ৰাম সমিতি একত্ৰিত হৈ বিকল্প ৰাজনৈতিক দলৰ বাবে আগুৱাই আহিব লাগে । গুৱাহাটীত নাগৰিকত্ব সংশোধনী আইন বিৰোধী আলোচনাত এই মন্তব্য সমাজকর্মী সন্দীপ পাণ্ডেৰ ।
মহানগৰীৰ গৌৰী সাদনত নৰ্মদা বাঁচাও আন্দোলনৰ নেত্ৰী মেধা পাটেকাৰ আৰু সমাজকর্মী সন্দীপ পাণ্ডে বৃহস্পতিবাৰে মিলিত হৈ কা' বিৰোধী আন্দোলনৰ ভৱিষ্যতকলৈ এক মত বিনিময় অনুষ্ঠানত অংশগ্ৰহণ কৰে । ৰাজ্যৰ কেইবাটাও সংগঠনৰ সদস্যৰ লগতে সাংবাদিক, বুদ্ধিজীৱীৰ উপস্থিত আলোচনাত কা' বিৰোধী আন্দোলনৰ ভৱিষ্যতকলৈ আলোচনা কৰা হয় । এই অনুষ্ঠানত উপস্থিত থাকে বিশিষ্ট বুদ্ধিজীৱি হিৰেণ গোঁহাই৷
অনুষ্ঠানটোত কৃষক মুক্তি সংগ্ৰাম সমিতিৰ উপদেষ্টা অখিল গগৈসহ সমিতিৰ কেইবাগৰাকী নেতা বৰ্তমান কাৰাবন্দী হৈ থকাক তীব্ৰ সমালোচনা কৰে মেধা পাটেকাৰ আৰু সমাজকর্মী সন্দীপ পাণ্ডেৰ লগতে হীৰেন গোহাঁইয়ে ।
সমাজকর্মী সন্দীপ পাণ্ডে কয় যে, অখিল গগৈসহ কৃষক মুক্তি সংগ্ৰাম সমিতিৰ নেতা সকল কাৰাগাৰত বান্ধি হোৱাৰ পিছত কা' বিৰোধী আন্দোলনৰ তীব্ৰতা হ্ৰাস পাইছে । লগতে আছু আৰু কৃষক মুক্তি সংগ্ৰাম সমিতি একত্ৰিত হৈ বিকল্প ৰাজনৈতিক দলৰ বাবে আগুৱাই আহিব লাগে বুলি মন্তব্য প্ৰকাশ কৰে সমাজকৰ্মী গৰাকীয়ে ।
উল্লেখ্য যে কাৰাবন্দী হৈ থকা অখিল গগৈক সাক্ষাৎ কৰিবলৈ নৰ্মদা বাঁচাও আন্দোলনৰ নেত্ৰী মেধা পাটেকাৰ আৰু সমাজকর্মী সন্দীপ পাণ্ডে বুধবাৰে গুৱাহাটীত উপস্থিতি হৈছিল । বুধবাৰে কেন্দ্ৰীয় কাৰাগাৰত অখিলক সাক্ষাৎ কৰি সন্দীপ পাণ্ডেই আছুৰ নাগৰিকত্ব সংশোধনী বিৰোধী আন্দোলনক চৰকাৰী আন্দোলন বুলি মন্তব্য প্ৰকাশ কৰিছিল ।
লগতে পঢ়ক:ন্যায়ধীশ বিপ্লৱ কুমাৰ শৰ্মা কমিটিৰ প্ৰতিবেদনখন স্বয়ং সম্পূৰ্ণ নহয়: অখিল গগৈ
