হোজাই,15 ছেপ্তেম্বৰঃ হোজাই জিলাৰ লামডিঙস্থিত লামডিং শিশু উদ্যানত আমৰা সবাই নামেৰে এটি অনুস্থানৰ উদ্যোগত সদ্য প্ৰয়াত প্ৰাক্তন ৰাষ্ট্ৰপতি প্ৰণৱ মুখাৰ্জীৰ স্মৰণত আয়োজন কৰা হয় শ্ৰদ্ধাঞ্জলি আৰু প্ৰাৰ্থনাৰ এক অনুষ্ঠান । শ্ৰদ্ধাঞ্জলি অনুষ্ঠানটোত চহৰখনৰ বহুকেইগৰাকী সমাজকৰ্মীকে ধৰি বিভিন্ন জাতি ধৰ্মৰ লোক উপস্থিত থাকি সদ্য প্ৰয়াত ৰাষ্ট্ৰপতি গৰাকীলৈ শ্ৰদ্ধাঞ্জলি জ্ঞাপনৰ লগতে আত্মাৰ সদগতিৰ বাবে কৰিলে প্ৰাৰ্থনা ।
এগৰাকী প্ৰকৃত দেশপ্ৰেমিক, দেশ নিৰ্মাতা, সমাজ সংস্কাৰক তথা বিশিষ্ট ৰাজনীতিকৰ বিয়োগ ৰাষ্ট্ৰৰ বাবে বৃহৎ ক্ষতি বুলি কৈ শ্ৰদ্ধাঞ্জলি অনুষ্ঠানটোত উপস্থিত সকলোৱে সুঁৱৰিলে প্ৰাক্তন ৰাষ্ট্ৰপতি প্ৰণৱ মুখাৰ্জীক ৷
