হোজাইৰ ডবকাত টাটা মোবাইল দুৰ্ঘটনাগ্ৰস্ত

AS-02BC-0427 নম্বৰৰ এখন টাটা মোবাইল বাহনে ডবকাৰ পৰা বৰবহা অভিমুখে পাথৰ কঢ়িয়াই অনাৰ সময়ত দুৰ্ঘটনাত পতিত হয় ৷ চাৰিগৰাকী ব্যক্তি আহত

হোজাই,20 মে': হোজাই জিলাৰ অন্তৰ্গত ডবকাৰ ভেলেউগুৰীত এক ভয়ংকৰ পথ দুৰ্ঘটনা সংঘটিত হয় ৷ ডবকাৰ পৰা লংকা অভিমুখী টাটা মোবাইলৰ সন্মুখৰ ফালৰ এটা চকা খুলি যোৱাৰ ফলত এই দুৰ্ঘটনাটো সংঘটিত হয় ৷

জানিব পৰা মতে AS-02BC-0427 নম্বৰৰ এখন টাটা মোবাইল বাহনে ডবকাৰ পৰা বৰবহা অভিমুখে পাথৰ কঢ়িয়াই অনাৰ সময়ত দুৰ্ঘটনাত পতিত হয় ৷ এই দুৰ্ঘটনাটোৰ ফলত টাটা মোবাইলখনৰ চালকসহ চাৰিগৰাকী ব্যক্তি আহত হয় ৷ আহত লোকসকল ক্ৰমে তাজউদ্দীন,আনিফুৰ ৰহমান,কুদ্দুছ আলী আৰু আৰিফ উদ্দিন বুলি চিনাক্ত কৰা হৈছে ৷ আহত চাৰিওগৰাকী ব্যক্তিৰ ঘৰ বৰবহাৰ হিৰা বস্তিত বুলি জানিব পৰা গৈছে ৷ ইপিনে গুৰুতৰভাৱে আঘাতপ্ৰাপ্ত লোককেইজনক ততাতৈয়াকৈ চিকিৎসালয়লৈ প্ৰেৰণ কৰা হয় ৷