হোজাইত পুৱতি নিশা ধুমুহাৰ তাণ্ডৱ

ধুমুহাৰ ফলত পাঠদানৰ পৰা বঞ্চিত পুৰণা কাকীৰ উচ্চ মাধ্যমিক বিদ্যালয়ৰ ছাত্ৰ-ছাত্ৰী ৷

হোজাই , 14 মে': ৰাজ্যখনৰ বিভিন্ন প্ৰান্তত বা মাৰলী ফেণীয়ে চলোৱা তাণ্ডৱ মাৰ নৌযাওতেই পুনৰ হোজাই জিলাৰ পুৰণা কাকীত পূৱতি নিশা অহা এজাক ধুমুহাই তাণ্ডৱ চলায় ৷ ধুমুহাৰ প্ৰকোপ ইমানেই বেছি আছিল যে, পুৰণা কাকীৰ উচ্চ মাধ্যমিক বিদ্যালয়খনৰ টিংপাত উৰুৱাই নিয়াৰ লগতে বিদ্যালয়খনৰ বহু যাৱতীয় নথি পত্ৰ তথা আচবাব বৰষুণত তিতাৰ ফলত বিনষ্ট হয় ৷

প্ৰায় লক্ষাধিক টকা বিনষ্ট হোৱা বিদ্যালয়খন বৰ্তমান পাঠদানৰ বাবে অনুপযোগী হৈ পৰিছে ৷ যাৰ ফলত এতিয়া পাঠদানৰ পৰা বঞ্চিত হৈছে বিদ্যালয় খনত অধ্যায়নৰত ছাত্ৰ-ছাত্ৰীসকল ৷