ভুঁই ৰুই থকা অৱস্থাতে বজ্ৰপাতত আহত মহিলা

হোজাইৰ লংকাত সোমবাৰে পথাৰত ভুঁই ৰুই থকা অৱস্থাত বজ্ৰ পৰি আঘাতপ্ৰাপ্ত হয় এগৰাকী মহিলা ৷ স্থানীয় ৰাইজৰ সহযোগত মহিলাগৰাকীক ততাতৈয়াকৈ লংকাৰ লংকেশ্বৰী হাস্পতাললৈ লৈ যোৱা হয় ৷ বৰ্তমান চিকিৎসাধীন অৱস্থাত আছে মহিলাগৰাকী ৷

হোজাই, 6 জুলাই : হোজাই জিলাৰ লংকাত সোমবাৰে দিনদুপৰতে সংঘটিত হয় অঘটন । পথাৰত ভুঁই ৰুই থকা অৱস্থাত বজ্ৰ পৰি আঘাতপ্ৰাপ্ত হয় এগৰাকী মহিলা ৷ মহিলাগৰাকীৰ নাম শিল্পী বিশ্বাস আৰু তেওঁৰ ঘৰ পাঁচভাণ্ডাৰৰ আমটিলাত বুলি জানিব পৰা গৈছে ৷

ঘটনা সংঘটিত হোৱাৰ পিছতে স্থানীয় ৰাইজৰ সহযোগত মহিলাগৰাকীক ততাতৈয়াকৈ লংকাৰ লংকেশ্বৰী হাস্পতাললৈ লৈ যোৱা হয় ৷ মহিলাগৰাকীৰ শৰীৰৰ বিভিন্ন অংশত আঘাতৰ চিন স্পষ্ট হৈ পৰিছে ৷ সম্প্ৰতি মহিলাগৰাকী চিকিৎসাধীন হৈ থকা বুলি জানিব পৰা গৈছে ৷

লগতে পঢ়ক : দুমাহত অন্তত খেদি-খেদি আটক কৰিলে ধৰ্ষণকাৰীকঃ ঘটনাটো অসমৰে