হোজাই, 30 জুলাইঃ বহিঃ ৰাজ্যত এটা পথ দুৰ্ঘটনাত পতিত হৈ মৃত্যু হয় হোজাই জিলাৰ অন্তৰ্গত লংকাৰ নিজাম উদ্দিন নামৰ এজন শিক্ষকৰ ৷ শিক্ষকজনে পৰিয়ালসহ মুম্বাইস্থিত ভাতৃ গৃহলৈ ফুৰিবলৈ গৈছিল ৷ তাৰ পাছতে সোমবাৰে ভাতৃ গৃহৰ পৰা মটৰ চাইকেলেৰে ওলাই আহোতেই দ্ৰুত বেগী এখন ডাম্পাৰে বাইক সহ নিজাম উদ্দিনক মহতিয়াই লৈ যায় আৰু থিতাতে লোকজনৰ মৃত্যু হয় ৷ বৰ্তমান শিক্ষকজনৰ নশ্বৰ দেহ নিজ গৃহলৈ অনাৰ ব্যৱস্থা কৰা হৈছে বুলি লংকাস্থিত পৰিয়ালৰ লোকে জানিবলৈ দিছে ৷ উল্লেখযোগ্য যে, নিজাম উদ্দিন লংকা তিনিআলিৰ চাইনিং গ্লৰি স্কুলৰ প্ৰধান শিক্ষকৰ দায়িত্বত আছিল ৷ শিক্ষকজনৰ মৃত্যুত অঞ্চলজুৰি শোকৰ ছাঁ পৰিছে ৷
বহিঃ ৰাজ্যত পথ দুৰ্ঘটনাত মৃত্যু প্ৰধান শিক্ষকৰ
