হোজাই, 25 ছেপ্টেম্বৰঃ হোজাই ডৱকাৰ চাংমাজিৰ নাবালিকা অপহৰণ ৷ অপহৰণ কৰি নি জোৰকৈ বিয়া কৰোৱাৰ চেষ্টা অভিযুক্ত আবুবক্কৰ ছিদ্দিকৰ পুত্ৰ মিছবাক উদ্দিনৰ বিৰুদ্ধে ৷ নাবালিকাৰ পৰিয়ালৰ গোচৰৰ ভিত্তিতে আৰক্ষী আৰু গাঁও ৰক্ষীবাহিনীৰ সহযোগত 6 দিনৰ অন্তত উদ্ধাৰ কৰে নাবালিকা গৰাকীক ৷ উল্লেখ্য যে,বিগত 19 চেপ্তেম্বৰৰ সন্ধিয়াই নৱম শ্ৰেণীৰ ছাত্ৰী গৰাকীক অপহৰণ কৰে বুলি ডবকা থানাত গোচৰ দিয়ে নাবালিকা গৰাকীৰ পৰিয়ালৰ লোকে | ছাত্ৰী গৰাকীক অপহৰণ কৰি শাৰীৰিক নিৰ্যাতন চলোৱা বুলি অভিযোগ মিছবাক উদ্দিনৰ বিৰুদ্ধে ৷ অপহৰণ কৰি নিয়াৰ পাছৰ পৰাই অভিযুক্তই নাবালিকা গৰাকীৰ পৰিয়ালক বিভিন্ন ধৰণৰ হুংকাৰ প্ৰদান কৰা বুলিও মত ব্যক্ত কৰে ৷
আনহাতে, মূল অভিযুক্ত মিচবাক উদ্দিনৰ পিতৃ আবুবক্কৰ ছিদ্দিকে নাবালিকা গৰাকীক গাঁওৰক্ষী বাহিনীৰ সম্পাদকৰ ঘৰত থৈ পলায়ন কৰে ৷ অপহৰণকাৰী মিছবাক উদ্দিনসহ আটাইকেইটা অভিযুক্ত সম্প্ৰতি পলাতক | ঘটনা সন্দৰ্ভত ডবকা আৰক্ষীয়ে অব্যাহত ৰাখিছে অভিযান | আনহাতে কিশোৰী গৰাকীক চাইল্ড লাইনক চমজাই দিয়ে ডবকা আৰক্ষীয়ে |
