হোজাই, ১১ আগষ্ট : হোজাই জিলাৰ কাকীত চাঞ্চল্যকৰ ঘটনা । অবৈধভাৱে ৰে’লৰ টিকট বিক্ৰী কৰি আটক এগৰাকী ইমাম । হোজাই জিলাৰ কাকী চলচলিত দীৰ্ঘদিন ধৰি ৰে’ল আৰু বিমানৰ টিকট বুকিং আৰু বিক্ৰী কৰি অহাৰ অভিযোগ উত্থাপন হৈছে ইমাম গৰাকীৰ বিৰুদ্ধে । ব্যক্তিগৰাকী হৈছে চলচলি মছজিদৰ ইমাম কামালুদ্দিন ।
হোজাইত আটক মছজিদৰ ইমাম
জানিব পৰা মতে, কাকী চলচলি চাৰিআলিত AL-ASFI Computer নামৰ এখন ব্যৱসায়িক প্ৰতিষ্ঠান খুলি মৌৰাজাৰ আৰক্ষী থানাৰ অন্তৰ্গত চৌধুৰী বজাৰৰ কপিল আলি নামৰ এগৰাকী ব্যক্তিৰ ব্যক্তিগত পঞ্জীয়ণ নম্বৰেৰে ৰে’লৰ টিকট বিক্ৰী কৰি আহিছিল ইমাম কামালুদ্দিনে । অভিযোগৰ ভিত্তিত মঙলবাৰে হোজাই ৰে’ল আৰক্ষীয়ে ইমামজনৰ ব্যৱসায়িক প্ৰতিষ্ঠানটোত অভিযান চলাই ইমাম কামালউদ্দিনক আটক কৰা লগতে ৰে’লৰ টিকট বিক্ৰী কামত ব্যৱহাৰ কৰা সামগ্ৰীসমূহ জব্দ কৰে ।
ঘটনা সন্দৰ্ভত তদন্ত অব্যাহত ৰাখিছে ৰে’ল আৰক্ষীয়ে ।
