হাইলাকান্দি, 18 জানুৱাৰী : সোমবাৰৰ পৰা দেশজুৰি আৰম্ভ হৈছে 32 তম পথ সুৰক্ষা মাহ পালন কাৰ্যসূচী ৷ এই পথ সুৰক্ষা পালন কাৰ্যসূচী 17 ফ্ৰেবুৱাৰীত অন্ত পৰিব ৷
অসমতো এই 32তম পথ সুৰক্ষা মাহ উপলক্ষে জিলাই জিলাই আয়োজন কৰা হৈছে বিভিন্ন সজাগতামূলক কাৰ্যসূচীৰ ৷ হাইলাকান্দিতো সোমবাৰে 32তম পথ সুৰক্ষা মাহ উপলক্ষে আয়োজন কৰা হয় সজাগতামূলক কাৰ্যসূচীৰ ৷ আজি আনুষ্ঠানিক ভাৱে এই কাৰ্যসূচীৰ শুভাৰম্ভ কৰে হাইলাকান্দি জিলা উন্নয়ন আয়ুক্ত ৰঞ্জিত কুমাৰ লস্কৰ আৰু হাইলাকান্দিৰ উপ-আৰক্ষী অধীক্ষক নৱমিতা দাসে ৷ এই কাৰ্যসূচীৰ লগত সংগতি ৰাখি হাইলাকান্দিৰ ৰাজপথত বাহিৰ কৰা হয় এক সজাগতামূলক সমদল ৷
ইফালে এই পথ সুৰক্ষা মাহৰ সময়ছোৱাত জিলাখনত বিভিন্ন সজাগতা সভাৰ লগতে স্বাস্থ্য শিবিৰ আদিৰো আয়োজন কৰা হ‘ব বুলি জানিবলৈ দিছে হাইলাকান্দি জিলা পৰিবহণ বিষয়া এছ. আৰ. মান্নানে ৷
