হাইলাকান্দি,8 এপ্ৰিলঃ লক ডাউন শেষ হ’লেও বজায় ৰাখিব লাগিব সামাজিক দুৰত্ব ৷ যেতিয়ালৈকে সম্পূৰ্ণৰূপে শেষ নহয় কৰ’ণাৰ আতংক,তেতিয়ালৈ সকলোৱে পালন কৰিব লাগিব সামাজিক দুৰত্ব-বুধবাৰে হাইলাকান্দি ভ্ৰমণলৈ আহি এই মন্তব্য আগবঢ়ায় মুখ্যমন্ত্ৰী সৰ্বানন্দ সোণোৱালে ৷
বৰাক উপত্যকাত কৰ’ণা ভাইৰাছ প্ৰতিৰোধ কৰাৰ ক্ষেত্ৰত জিলা প্ৰশাসনৰ প্ৰস্তুতি পৰ্যবেক্ষণৰ বাবে উপস্থিত হয় মুখ্যমন্ত্ৰী সোণোৱাল ৷ বৰাকত উপস্থিত হৈ মুখ্যমন্ত্ৰী গৰাকীয়ে প্ৰথমে কৰিমগঞ্জ আৰু হাইলাকান্দি পৰিদৰ্শন কৰে ৷ হাইলাকান্দিৰ এচ কে ৰায় অসামৰিক চিকিৎসালয়ত নিৰ্মাণ কৰা আইছ’লেচন ৱাৰ্ড পৰিদৰ্শন কৰে মুখ্যমন্ত্ৰী সোণোৱালে । ইয়াৰ পিছত জিলা উপায়ুক্তৰ কাৰ্যালয়ত আয়োজিত এক সভাত অংশ লয় মুখ্যমন্ত্ৰী গৰাকীয়ে ৷ সভাৰ অন্তত সংবাদ মাধ্যমৰ আগত বৰাকৰ স্বাস্থ্য বিভাগ কৰ’ণা ভাইৰাছৰ মোকাবিলাৰ ক্ষেত্ৰত সম্পূৰ্ণ সাজু বুলি উল্লেখ কৰে ৷
লগতে চাওকঃ বিদেশত কুশলে আছেনে অসমীয়া !
