গোলাঘাট, 31 মে’: এটি তিনি বছৰীয়া শিশু ৷ গোলাঘাট জিলাৰ শ্বহীদ কুশল কোঁৱৰ অসামৰিক চিকিৎসালয়ত চিকিৎসাধীন হৈ আছে শিশুটি ৷ এই শিশুটিৰ অকথিত কাহিনীয়ে চকুলো বোৱাব আপোনাৰ ! বিগত এসপ্তাহ পূৰ্বে শিশুটিৰ মাতৃ মঙ্গলী গঞ্জুক চিকিৎসাজনিত কাৰণত ভৰ্তি কৰোৱা হৈছিল জিলাখনৰ শ্বহীদ কুশল কোঁৱৰ অসামৰিক চিকিৎসালয়ত ৷ উল্লেখ্য যে,যক্ষ্মা ৰোগত আক্রান্ত বোকাখাতৰ মেঠনি চাহ বাগিচাৰ বাসিন্দা মহিলাগৰাকীয়ে বিগত 30 মে’ত মৃত্যুবৰণ কৰে ।
ইফালে, মাতৃৰ মৃত্যুৰ পিছতে চিকিৎসালয়খনত সৃষ্টি হয় এক শোকাকুল পৰিৱেশ । উল্লেখ্য যে,সন্তানসহ মহিলাগৰাকীক চিকিৎসালয়ত ভৰ্তি কৰোৱাৰ পিছত অন্তৰ্ধান হৈছিল মহিলাগৰাকীৰ সৈতে অহা অনিল গঞ্জু নামৰ লোকজন । শিশুটিয়ে প্ৰকাশ কৰা ভাষ্য অনুসৰি পিতৃৰ নাম দীনেশ বুলি জানিব পৰা গৈছে । ইফালে অকলশৰীয়া শিশুটিক দেখি ঘৰলৈ নিবলৈ ওলাইছে বহুজনে । সম্প্ৰতি চিকিৎসালয় কৰ্তৃপক্ষৰ তত্বাৱধানত আছে শিশুটি ৷
লগতে চাওকঃ দেৱাশীষ হত্যাকাণ্ডৰ উচিত তদন্তৰ দাবীৰে উত্তাল মৰিয়নী
