গোলাঘাট, 17 জুনঃ গোলাঘাটত বিদ্যুৎৰ ছিগা তাঁৰত লাগি মৃত্যুমুখত পৰিল সৰ্বেশ্বৰ হাজৰীকা নামৰ এজন ব্যক্তি৷ পথাৰত কাম কৰিবলৈ গৈ ছিগা তাঁৰত লাগি মৃত্যু হয় ব্যক্তিজনৰ। গোলাঘাটত ইয়াৰ পূৰ্বেও বিদ্যুৎ বিভাগৰ ভুলৰ বাবেই মৃত্যু হৈছিল কেইবাজনো লোকৰ। সোমবাৰে গোলাঘাটৰ শালিকীহাট বৰকছাৰী গাঁৱত সংঘটিত হয় শোকাৱহ ঘটনাটো৷
গোলাঘাটত বিদ্যুৎৰ ছিগা তাঁৰে প্ৰাণ ল'লে এজনৰ
উল্লেখ্য যে বিদ্যুৎ বিভাগৰ গাফিলতিৰ এই ঘটনা সংঘটিত হোৱাৰ অভিযোগ অঞ্চলবাসীৰ। পুৱা প্ৰায় ০৯-০০ বজাত সংঘটিত এই ঘটনাৰ পিছত ৰাইজে বিদ্যুৎ বিভাগক বাৰম্বাৰ জনোৱাৰ পিছতো দিনৰ 1 বজা পৰ্যন্ত বিদ্যুৎ বিভাগৰ কোনো এজন বিষয়া কৰ্মচাৰী ঘটনাস্থলীত উপস্থিত নোহোৱাত ক্ষোভিত হৈ পৰে অঞ্চলটোৰ ৰাইজ।
