সৰুপথাৰ, 12 জুন : বৰপথাৰৰ ৰেংমা পথৰ দুৰৱস্থাই দুৰ্ভোগ ভোগাইছে সাধাৰণ জনতাক । বছৰ বছৰ ধৰি মেৰামতিৰ অভাৱত জৰাজীৰ্ণ অৱস্থাতে পৰি ৰৈছে ধনশিৰি মহকুমাৰ অতি গুৰুত্বপূৰ্ণ এই "ৰেংমা পথ" ৷
ৰাইজৰ অভিযোগ অনুসৰি পথটোত দৈনিক অহা-যোৱা কৰে অসংখ্য পাথৰ কঢ়িওৱা ডাম্পাৰ । যাৰ ফলস্বৰূপে পথটোত অধিক পুখুৰী সদৃশ গাঁতৰ সৃষ্টি হৈছে ৷ ইয়াৰ পৰিণতিত পথটো সঘনাই দুৰ্ঘটনা সংঘটিত হ'বলৈ আৰম্ভ কৰিছে বুলি সদৰী কৰে স্থানীয় ৰাইজে ৷
কেতিয়া নিৰ্মাণ হ'ব ধনশিৰি মহকুমাৰ অন্তৰ্গত 'ৰেংমা পথ' ?
পথটো নিৰ্মাণ তথা মেৰামতি কৰিবৰ বাবে ৰাইজে কেইবাবাৰো জনপ্ৰতিনিধিৰ লগতে বিভাগীয় কৰ্তৃপক্ষক আবেদন কৰিছিল যদিও আজিকোপতি সুফল লাভ নকৰিলে ৷ তথাপিও সৰুপথাৰ বিধানসভা সমষ্টিৰ নৱ নিৰ্বাচিত বিধায়ক বিশ্বজিৎ ফুকনে পথটোৰ নিৰ্মাণৰ ক্ষেত্ৰত বিশেষক ব্যৱস্থা গ্ৰহণ কৰিব বুলি আশা প্ৰকাশ কৰিছে ৰাইজে ৷
লগতে পঢ়ক: চাপৰৰ হাতীপোতা গাঁও পঞ্চায়তত ব্যাপক দুৰ্নীতিৰ অভিযোগ
