গোলাঘাট, 10 ডিচেম্বৰ: অ-সংবিধানিক কেবক লৈ ৰাজ্যৰ চৌদিশে ব্যাপক প্ৰতিবাদ অব্যাহত থকাৰ মাজতে মঙলবাৰে নেছৰ অসম বন্ধৰ দিনটোতে আছুক পুনৰ আক্ৰমণৰ লক্ষ্য কৰি ল'লে খুমটাইৰ বিজেপি বিধায়ক মৃণাল শইকীয়াই ৷ ইটিভি ভাৰতৰ কেমেৰাৰ সন্মুখত এইবাৰ আছুক কৰ্মহীনতা আৰু বিশৃংখলতা ধ্বজ্জাবাহক আখ্যা দিলে বিধায়ক গৰাকীয়ে। সংগঠনটোক জাতিদ্ৰোহী আখ্যা দি বিধায়ক গৰাকীয়ে কয় যে যি সংগঠনে এটা জাতিক কৰ্মৰ পৰা বিৰত ৰাখে,বিশৃংখল হবলৈ উদ্গনি যোগায় সেই সংগঠন কেতিয়াও জাতীয় সংগঠন হব নোৱাৰে ৷ সংবিধান ৰক্ষাৰ কথা কোৱা আছুৱে বন্ধ,পথত টায়াৰ জ্বলোৱা,আদি উচ্চতম ন্যায়ালয়ে বন্ধ কৰি ৰখা কাৰ্যসূচীবোৰ কিয় হাতত লৈছে বুলিও বিতৰ্কিত মন্তব্য কৰে বিধায়কজনে ৷
আকৌ বিতৰ্কিত বিধেয়কৰ বিস্ফোৰণ
