গোলাঘাটত সমাজ কৰ্মীক সম্বৰ্ধনা যুৱ ছাত্ৰ পৰিষদৰ

শুকুৰবাৰে গোলাঘাটত সম্বৰ্ধনা অনুষ্ঠানৰ আয়োজন কৰে অসম জাতীয়তাবাদী যুৱ ছাত্ৰ পৰিষদে ৷ ৰঙালী বিহু উপলক্ষে কেইবাগৰাকীও সমাজ কৰ্মীক সম্বৰ্ধনা জনোৱা হয় ৷

গোলাঘাট,16 এপ্ৰিল : ৰঙালীৰ ৰঙত মতলীয়া হৈ পৰিছে ৰাজ্যবাসী ৷ কেউফালে দেখা গৈছে বিহু উপলক্ষে ৰাইজৰ পাৰ ভঙা উছাহ ৷ পৰম্পৰাগত ৰীতি-নীতি অৱলম্বনৰ লগতে নাচি-বাগি আপোন পাহৰ হৈ পৰিছে অসমীয়া ৷ তাৰ মাজতে ৰঙালী বিহু উপলক্ষে শুকুৰবাৰে গোলাঘাটত সমাজৰ লগত জড়িত ব্যক্তিসকলক বিশেষ সম্বৰ্ধনা জ্ঞাপন কৰে অসম জাতীয়তাবাদী যুৱ ছাত্ৰ পৰিষদে ৷

অসম জাতীয়তাবাদী যুৱ ছাত্ৰ পৰিষদৰ গোলাঘাট জিলাৰ কাৰ্যালয়ত ঢোল-পেঁপা-গগনাৰে গুঞ্জৰিত হ’ল চৌপাশ । ৰঙালী বিহুৰ লগত সংগতি ৰাখি জিলাখনৰ কেইবাগৰাকীও সমাজ কৰ্মীক সম্বৰ্ধনা জনায় সংগঠনটোৱে ৷

লগতে পঢ়ক : সত্ৰাধিকাৰ হৰেকৃষ্ণ মহন্ত আতৈক বৰপেটা বঁটা প্ৰদান