গোৱালপাৰা, 7 জুন : গোৱালপাৰা জিলাত ড্ৰাগছৰ বিৰুদ্ধে অভিযান অব্যাহত আছে আৰক্ষীৰ । জিলাখনত বিভিন্ন স্থানত অভিযান চলাই আৰক্ষীয়ে ড্ৰাগছসহ সৰবৰাহকাৰী আটক কৰাৰ লগতে সোমবাৰে পুনৰ এজন ড্ৰাগছ সৰবৰাহকাৰী আৰক্ষীৰ জালত পৰে ।
নিশা গোৱালপাৰা চহৰৰ মাজমজিয়াত সদৰ থানাৰ ভাৰপ্ৰাপ্ত আৰক্ষী বিষয়া আদিত্য দেউৰীৰ নেতৃত্বত আৰক্ষীৰ দল এটাই এজন ড্ৰাগছ সৰবৰাহকাৰীক আটক কৰে ৷ লগতে ব্যক্তি জনৰ পৰা নিচাজাতীয় টেবলেট, চিৰিঞ্জ আৰু কিছু পৰিমানৰ গাঞ্জা জব্দ কৰে । তদন্তৰ খাতিৰত ব্যৱসায়ী জনৰ নাম গোপনে ৰখা বুলিও অতিৰিক্ত আৰক্ষী অধীক্ষকে জানিবলৈ দিয়ে ।
বৰ্তমান ড্ৰাগছ ব্যৱসায়ী জনক জেল হাজোতলৈ প্ৰেৰণ কৰে । উল্লেখ্য যে বিগত সপ্তাহটোত ৰাজ্যৰ বিভিন্ন প্ৰান্তৰ পৰা কোটি টকাৰো অধিক মূল্যৰ নিচা জাতীয় সামগ্ৰী জব্দ কৰে অসম আৰক্ষীয়ে ৷
লগতে পঢ়ক : Etv Bharat ৰ বাতৰিৰ প্ৰভাৱ: জকাইত বৃদ্ধ দম্পতীক আগবঢ়ালে সহায়
