গোৱালপাৰা, 20 এপ্ৰিল: সমগ্ৰ দেশজুৰি দ্বিতীয় পৰ্যায়ৰ লক ডাউন চলি থকাৰ পৰিপ্ৰেক্ষিতত দেশৰ বিভিন্ন প্ৰান্তত কৰ্মসূত্ৰে যোৱা বহু লোক আবদ্ধ হৈ পৰিছে ৷ গোৱালপাৰা জিলাৰ পিপলিবাৰীৰ মুগা ফাৰ্মতো আবদ্ধ হৈ পৰিছে উত্তৰ লখিমপুৰ আৰু ধেমাজি জিলাৰ ৯ জনকৈ লোক। এই সকল লোকৰ অধিকাংশই কৃষিকৰ্মৰ ওপৰত নিৰ্ভৰশীল।
গোৱালপাৰাত আবদ্ধ উজনিৰ 9 জন লোক
উপায়হীন হৈ সংবাদ মাধ্যমৰ যোগেদি অতি সোনকালে ঘৰলৈ যোৱাৰ সুবিধা কৰি দিবলৈ ৰাজ্য চৰকাৰক অনুৰোধ জনাইছে এই আবদ্ধ লোককেইজনে ৷ কিয়নো ঘৰলৈ গ’লেহে তেওঁলোকে খেতি পথাৰত কঠীয়া সিঁচি বছৰৰ ধান গোটাব পাৰিব বুলি তেওঁলোকে মত প্ৰকাশ কৰে ৷
লগতে পঢ়ক : ৰাজ্যৰ আত্মসহায়ক গোটে প্ৰস্তুত কৰিব মাস্ক : নৱ কুমাৰ দলে
