গোৱালপাৰা, 8 ফেব্ৰুৱাৰী : গোৱালপাৰা জিলাৰ লক্ষীপুৰৰ মানস ৰিজাৰ্ভত সংঘটিত হৈছে এক চাঞ্চল্যকৰ হত্যাকাণ্ড ৷ তিনি-চাৰিজনীয়া এটা দলে পঞ্চম শ্ৰেণীত অধ্যয়নৰত এগৰাকী কন্যা শিশুক ধৰ্ষণ কৰি হত্যা কৰাৰ সন্দেহ কৰা হৈছে ৷ শুকুৰবাৰে নিশা খাৰুভাজ গাঁৱত ইছলাম ধৰ্মীয় সভাত অংশগ্ৰহণৰ বাবে যোৱা শিশুগৰাকীক ঘৰলৈ উভতাৰ পথত কোনো দুৰ্বৃত্তই মুখত সোপা দি হত্যা কৰাৰ লগতে ধান খেৰৰ মাজত লুকুৱাই থৈ পলায়ন কৰে ৷
শনিবাৰে পুৱা স্থানীয় লোকে মৃতদেহ প্ৰত্যক্ষ কৰি লক্ষীপুৰ আৰক্ষীক অৱগত কৰে ৷ ইয়াৰ পাচতে লক্ষীপুৰ আৰক্ষীৰ লগতে গোৱালপাৰা অতিৰিক্ত আৰক্ষী অধীক্ষক ঘটনাস্থলীত উপস্থিত হৈ তদন্ত আৰম্ভ কৰে ৷ দণ্ডাধীশ প্ৰীতম দাসৰ উপস্থিতিত মৃতদেহ চিনাক্তকৰণ কৰি মৰণোত্তৰ পৰীক্ষাৰ বাবে গোৱালপাৰা অসামৰিক চিকিৎসালয়লৈ প্ৰেৰণ কৰা হয় ৷ ঘটনা সংক্ৰান্তত ইতিমধ্যে এগৰাকী অভিযুক্তক সোধপোছৰ বাবে আটক কৰিছে আৰক্ষীয়ে ৷
আৰু পঢ়ক : শীঘ্ৰেই আলফা (স্বা) ৰ সৈতে আলোচনাৰ সম্ভাৱনা চৰকাৰৰঃ হিমন্ত বিশ্ব শৰ্মা
