ডিমা হাছাও 22 নৱেম্বৰ: শনিবাৰ নিশা ডিমা হাছাও জিলাৰ অসম-নাগালেণ্ড সীমান্তবৰ্তী ডিমা হাছাও জিলাৰ খেপৰে অঞ্চলত নিৰাপত্তা বাহিনী আৰু উগ্ৰপন্থী সংগঠনৰ মাজত সংঘটিত হয় প্ৰচণ্ড সংঘৰ্ষ ৷ সংঘৰ্ষত নিহত হয় এজন সন্দেহজনক উগ্ৰপন্থী ৷ সংঘৰ্ষ স্থলীত ইতিমধ্যে নিৰাপত্তা বাহিনীয়ে ব্যাপক অভিযান আৰম্ভ কৰিছে ৷
উল্লেখ্য যে, ডিমা হাছাও জিলাত কিছু দিনৰ পৰা ডিমাচা নেচনেল লিবাৰেচন আৰ্মি চমুকৈ "ডি এন এল এ" উগ্ৰপন্থী সংগঠন সক্ৰিয় হৈ উঠিছে ৷ যাৰ বাবে আৰক্ষী আৰু নিৰাপত্তা বাহিনীয়ে উক্ত অঞ্চলটোত বিগত কিছুদিনৰ পৰা অভিযান তীব্ৰতৰ কৰি তুলিছে ৷
