গুৱাহাটী, ১৯ ডিচেম্বৰ : ডিমা হাছাও স্বায়ত্তশাসিত পৰিষদৰ পৰিষদীয় নির্বাচনৰ দিন ঘোষণাৰ পিচতেই ভাৰতীয় জনতা পাৰ্টীয়ে প্ৰাৰ্থী তালিকা ঘোষণা কৰিছে । মঙলবাৰে বশিষ্ঠস্থিত ভাৰতীয় জনতা পাৰ্টীৰ মুখ্য কাৰ্যালয়ত এক সংবাদমেল সম্বোধন কৰি বিত্তমন্ত্ৰী অজন্তা নেওগে ঘোষণা কৰে ২৮ জনীয়া প্ৰাৰ্থী তালিকাখন । এই তালিকা অনুসৰি...
- হাফলং পৰিষদীয় সমষ্টিত দনপেইনন থাওচেন
- জাতিংগা পৰিষদীয় সমষ্টিত ফ্লেমিং ৰূপসী শ্যিলা
- বৰাইল পৰিষদীয় সমষ্টিত গুলমিনলাল লেইনথাং
- মাহুৰ পৰিষদীয় সমষ্টিত প্ৰবিতা জহৰী
- জিনাম পৰিষদীয় সমষ্টিত ঝ’ছুম্থাং মাৰ
- হাংগ্ৰুম পৰিষদীয় সমষ্টিত নোৱা দেইমী
- লাইছং পৰিষদীয় সমষ্টিত পৌদাম্মিং ৰিয়ামী
- দাওতুহাজা পৰিষদীয় সমষ্টিত প্ৰনথ ৰাজিয়ুং
- মাইবাং ইষ্ট পৰিষদীয় সমষ্টিত মনজয় লাংথাছা
- মাইবাং ৱেষ্ট পৰিষদীয় সমষ্টিত মোহিত হোজাই
- কালাচান্দ পৰিষদীয় সমষ্টিত ৰতন জাৰাম্বুছা
- ৱাজাও পৰিষদীয় সমষ্টিত বিশ্বজিৎ দাওলাগাপু
- হাজাদিছা পৰিষদীয় সমষ্টিত প্ৰজিথ হোজাই
- লাংটিং পৰিষদীয় সমষ্টিত ধৃতি থাওছেন
- হাতীখালি পৰিষদীয় সমষ্টিত নিৰঞ্জন হোজাই
- দিয়ুংব্ৰা পৰিষদীয় সমষ্টিত ৰূপালী লাংথাছা
- গৰমপানী পৰিষদীয় সমষ্টিত ছামছিং ইংতি
- খাৰটং পৰিষদীয় সমষ্টিত লালৰেইমছিয়ামা দাৰনী
- দেহাংগি পৰিষদীয় সমষ্টিত দেৱলাল গাৰ্লোচা
- গুঞ্জুং পৰিষদীয় সমষ্টিত নজিত কেম্প্ৰাই
- হাদিংমা পৰিষদীয় সমষ্টিত দেৱজিৎ বাথাৰি
- দিহাম্লাই পৰিষদীয় সমষ্টিত নামৰং ঝেমী
- হাৰাংগাজাও পৰিষদীয় সমষ্টিত অমেন্দু হোজাই
- হাম্ৰি পৰিষদীয় সমষ্টিত মনজিৎ নাইদিং
- ল’ৱাৰ খাৰটং পৰিষদীয় সমষ্টিত গাম্ৰোথাং মাৰ
- দলোং পৰিষদীয় সমষ্টিত সুৱান্থাংজেম ৰংখল
- দিগাৰ পৰিষদীয় সমষ্টিত ছেমুৱেল চেংছান
- ছেমখৰ পৰিষদীয় সমষ্টিত ৰাণু লাংথাছা
উল্লেখ্য যে ডিমা হাছাও স্বায়ত্তশাসিত পৰিষদৰ পৰিষদীয় নির্বাচন অহা ৮ জানুৱাৰীত অনুষ্ঠিত হ'ব । এই নিৰ্বাচনকলৈ ইতিমধ্যে পাহাৰীয়া জিলাখনত বলিছে গৰম বতাহ । অসমৰ আটাইতকৈ পুৰণি ষষ্ঠ অনুসূচিত জাতিৰ ডিমা হাছাও স্বায়ত্তশাসিত পৰিষদৰ নিৰ্বাচনকলৈ কোনে মাৰিব শেষ হাঁহি ? স্বায়ত্তশাসিত পৰিষদখনৰ নিৰ্বাচনৰ বাবে ইতিমধ্যে অসম ৰাজ্যিক নির্বাচন আয়োগে নির্বাচনী অধিসূচনা জাৰি কৰি যাৱতীয় প্ৰক্ৰিয়া আৰম্ভ কৰিছে ।
ডিমা হাছাও স্বায়ত্তপৰিষদৰ নিৰ্বাচনৰ বাবে মনোনয়ন দাখিলৰ অন্তিম দিন ২১ ডিচেম্বৰৰ পুৱা ১১ বজাৰ পৰা বিয়লি ৩ বজালৈ নিৰ্ধাৰণ কৰা হৈছে । ২২ ডিচেম্বৰত মনোয়ন পত্ৰসমূহ পৰীক্ষা কৰা হ'ব আৰু সেইদিনাই ইচ্ছুক প্রার্থীয়ে মনোনয়ন পত্ৰ প্ৰত্যাহাৰ কৰাত অন্তত বৈধভাৱে মনোনয়ন পত্ৰ দাখিল কৰা প্ৰাৰ্থীসকলৰ তালিকা প্রকাশ পাব ।
অহা ৮ জানুৱাৰীত পুৱা ৮ বজাৰ পৰা বিয়লি ৪ বজাৰ পৰা ভোটদান প্রক্রিয়া অনুষ্ঠিত হ'ব । ১২ জানুৱাৰীৰ পুৱা ৮ বজাৰ পৰা ভোট গণনা অনুষ্ঠিত হ'ব আৰু গণনাৰ অন্তত সেইদিনাই নিৰ্বাচনৰ ফলাফল ঘোষণা কৰা হ'ব ।
লগতে পঢ়ক: উত্তৰ কাছাৰ পাৰ্বত্য স্বায়ত্তশাসিত পৰিষদৰ নিৰ্বাচনৰ বাবে কংগ্ৰেছৰ প্ৰাৰ্থী তালিকা প্ৰকাশ
