ডিব্ৰুগড়,1 জুলাই : ৰাজ্যত ক্ৰমাৎ বৃদ্ধি পাইছে অপৰাধজনিত ঘটনা (Crime case) ৷ হত্যা(murder), ধৰ্ষণ(rape)ৰ দৰে জঘণ্য ঘটনাই প্ৰতিদিনে জোকাৰি গৈছে অসমৰ ভিন্ন প্ৰান্ত ৷ সময়ে সময়ে অসম আৰক্ষী(assam police)য়ে কঠোৰ ব্যৱস্থা গ্ৰহণ কৰিছে যদিও সমূলি নুই কৰিব পৰা নাই অপৰাধজনিত ঘটনা ৷ তাৰ মাজতে ডিব্ৰুগড়ৰ কলাখোৱাত সংঘটিত হৈছে এক নৃশংস হত্যাকাণ্ড (murder) ৷ যি কাণ্ডই সৃষ্টি কৰিছে তীব্ৰ চাঞ্চল্যৰ ।
ডিব্ৰুগড়ৰ বৰবৰুৱা আৰক্ষী থানা(barbaruah police station)ৰ অন্তৰ্গত কলাখোৱা পানীমিৰি গাঁৱৰ আব্দুল মিলি নামৰ এগৰাকী 45 বছৰীয়া ব্যক্তিক অতি নৃশংসভাৱে হত্যা কৰাৰ পাচতে চাঞ্চল্যৰ সৃষ্টি হৈছে সমগ্ৰ অঞ্চলটোত । ঘটনা অনুসৰি, 25 জুনৰ নিশা প্ৰায় 9:30 বজাত আব্দুল মিলিক চোকা অস্ত্ৰৰে হানি-খুচি নৃশংসভাৱে হত্যা কৰা হৈছিল ৷ সাধাৰণ কাজিয়াক কেন্দ্ৰ কৰি এই লোমহৰ্ষক হত্যাকাণ্ডটো সংঘটিত হোৱাৰ কথা স্থানীয় লোকে প্ৰকাশ কৰিছে ৷
স্থানীয় ৰাইজৰ অভিযোগ, আৱিষ্কাৰ মিলি (19), মিনু য়েইন(38) আৰু প্ৰতীমা মিলি (42)য়ে মিলি ব্যক্তিজনক হত্যা কৰিছে ৷ ঘটনা সন্দৰ্ভত বৰবৰুৱা আৰক্ষী থানাৰ 202/2021 নম্বৰৰ গোচৰ পঞ্জীয়ন কৰাত ভাৰতীয় দণ্ডবিধি আইনৰ অধীনত 120(B)/302 ধাৰাত তিনিও জনকে আৰক্ষীয়ে গ্ৰেপ্তাৰ কৰিবলৈ সক্ষম হৈছে ৷ সম্প্ৰতি তিনি অভিযুক্তকে কাৰাগাৰলৈ প্ৰেৰণ কৰিছে বৰবৰুৱা আৰক্ষীয়ে ৷ এতিয়ালৈকে ঘটনাৰ প্ৰকৃত কাৰণ জানিব পৰা হোৱা নাই যদিও আৰক্ষীয়ে আৰম্ভ কৰিছে তদন্ত প্ৰক্ৰিয়া ।
