ডিব্ৰুগড়, 8 চেপ্টেম্বৰ : ডিব্ৰুগড়ত ধৰ্ষণৰ অভিযোগত গ্ৰেপ্তাৰ হৈছে এজন লোক। নিজৰ ভাগিনীয়েকক নিচাযুক্ত দৰৱ সেৱন কৰাই ধৰ্ষণ কৰাৰ অভিযোগ উত্থাপন হৈছে ৰিকি আহমেদ নামৰ এজন যুৱকৰ বিৰুদ্ধে। ডিব্ৰুগড় চহৰৰ গ্ৰেহেম বজাৰত সংঘটিত হৈছে এই ঘটনা ।
অভিযোগ অনুসৰি, ডিব্ৰুগড়ৰ গ্ৰেহেম বজাৰ অঞ্চলৰ কাউৰী পট্টীত এগৰাকী ১৫ বছৰীয়া কিশোৰীক উপৰ্যুপৰি ধৰ্ষণ কৰে ৰিকি আহমেদ উৰফে বিকি নামৰ এজন যুৱকে । অভিযোগ মতে, অভিযুক্ত লোকজনে প্ৰায় ২০ দিন ধৰি ধৰ্ষণ কৰে দুৰ্ভগীয়া কিশোৰী গৰাকীক । অৱশেষত ধৰ্ষিতা কিশোৰীয়ে পৰিয়ালক অৱগত কৰাত পৰিয়ালৰ অভিযোগৰ ভিত্তিত ডিব্ৰুগড় আৰক্ষীয়ে গ্ৰেহেম বজাৰ কাউৰী পট্টীৰ পৰা গ্ৰেপ্তাৰ কৰে ধৰ্ষণকাৰী ৰিকি উৰফে বিকিক। ডিব্ৰুগড় আৰক্ষীয়ে ভাৰতীয় দণ্ডবিধি আইনৰ 448/376 DA, 500, RW POCSO ৰ অধীনত 1513 নম্বৰ গোচৰ পঞ্জীয়ন কৰি তদন্ত অব্যাহত ৰাখিছে।
ইতিমধ্যে ধৰ্ষিতা যুৱতী গৰাকীৰ ভাষ্যৰ ভিত্তিত আৰক্ষীয়ে নিকৃষ্ট ঘটনাটো সন্দৰ্ভত ফাষ্টট্ৰেক আদালতৰ জৰিয়তে ন্যায় দিবৰ বাবেও আদালতত আবেদন জনাব বুলিও জানিবলৈ দিয়ে অতিৰিক্ত আৰক্ষী অধীক্ষক পদ্মনাভ বৰুৱাই।
লগতে পঢ়ক: দুই দিব্যাংগ সন্তানক লৈ অসহায় পিতৃ-মাতৃৰ হাহাকাৰ
