ডিব্ৰুগড়, 23 মাৰ্চত : ডিব্ৰুগড়ৰ চান্দমাৰি ঘাটত বিধ্বংসী অগ্নিকাণ্ড। দেওবাৰে নিশা প্ৰায় 11:30 বজাত এটা আৱাসিক এলেকাত হঠাৎ সূত্ৰপাত হয় অগ্নিকাণ্ডৰ ৷ এই জুইত প্ৰায় দহটাকৈ বাসগৃহ জাহ যায়। অৱশ্যে ডিব্ৰুগড়,চাবুৱা,ডুলীয়াজান আৰু BCPLৰ পৰা অহা কেইবাখনো অগ্নিনিৰ্বাপক বাহিনীৰ গাড়ীয়ে অগ্নিনিৰ্বাপন কৰিবলৈ সক্ষম হয় ।
আনহাতে, ডিব্ৰুগড়ৰ অগ্নিনিৰ্বাপক বাহিনীৰ গাড়ীত পানী নথকাৰ অভিযোগ স্থানীয় ৰাইজৰ। যাৰ ফলত অগ্নিকাণ্ডই বিধ্বংসী ৰূপ ধাৰণ কৰে। কেইবাটাও ৰন্ধন গেছৰ চিলিণ্ডাৰ বিস্ফোৰণ হোৱাৰ ফলতেই অগ্নি বিয়পি পৰে ঘৰকেইটালৈ । অগ্নিকাণ্ডত প্ৰমোদ,চনৰ্জিত,ৰঘুবিৰ,সম্ভূ,ৰামবালি,মহেন্দ্ৰ,চান্দেশ্বৰ আৰু ৰাজেন্দ্ৰ দাস নামৰ লোক কেইজনৰ বাসগৃহ সম্পূৰ্ণ ৰূপে চাৰখাৰ হয়। অগ্নিকাণ্ডৰ কাৰণ জানিবপৰা নাই যদিও স্থানীয় লোকে চিলিণ্ডাৰ বিষ্ফোৰণৰ ফলতেই এই অগ্নিকাণ্ড সংঘটিত হোৱাৰ সন্দেহ ।
লগতে পঢ়ক : ৩১ মাৰ্চলৈ যাত্ৰীবাহী সকলো বাহন বন্ধ ঘোষণা ৰাজ্য চৰকাৰৰ
