মৰাণ, 13 জানুৱাৰী : ৰাজ্যত ক্ৰমান্বয়ে বৃদ্ধি পাইছে জনাঞ্চলত বাঘৰ মুক্ত বিচৰণৰ ঘটনা ৷ শেহতীয়াকৈ বনাঞ্চলৰ পৰা ওলাই অহা বাঘে বহু জিলাত ত্ৰাসৰ সৃষ্টি কৰাৰ লগতে জীৱ-জন্তু, মানুহৰো অনিষ্ট সাধন কৰিছে ৷ এনে সময়তে শুকুৰবাৰে নাহৰকটীয়া চাহ বাগিচাত উদ্ধাৰ হ'ল এটা নাহৰফুটুকী বাঘৰ মৃতদেহ (Leopard tiger Dead body rescue at Naharkatia) ৷
বাগিচাখনৰ শ্ৰমিকে মৃত নাহৰফুটুকীটো প্ৰত্যক্ষ কৰি বন বিভাগক খবৰ দিয়ে । এই পৰ্যন্ত নাহৰফুটুকীটোৰ কেনেকৈ মৃত্যু হ'ল জানিব পৰা হোৱা নাই । উল্লেখ্য যে, বিগত বহুমাহ ধৰি উক্ত অঞ্চলত কেইবাটাও নাহৰফুটুকীৰ বিচৰণ ৰাইজে প্ৰত্যক্ষ কৰাৰ পিছত আজি এইদৰে মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে ।
আনহাতে, শোণিতপুৰ জিলাৰ বৰচলাবাসীয়েও বাঘৰ আতংকৰ মাজেৰে দিন পাৰ কৰিবলগীয়া হৈছে ৷ ওৰাং ৰাষ্ট্ৰীয় উদ্যানৰ পৰা ওলাই অহা এটা ঢেকীয়াপতিয়া বাঘে প্ৰায় 20 দিনে সন্ত্ৰাসৰ সৃষ্টি কৰি আহিছে সমগ্ৰ অঞ্চলটোত (Royal bengal tiger roaming freely around human habitations) ৷ বুধবাৰে ঢেকীয়াপতিয়াটোৰ আক্ৰমণত গুৰুতৰভাৱে আঘাতপ্ৰাপ্ত হ’বলগীয়া হয় প্ৰেমা কোঁচ নামৰ এজন লোক ৷
লগতে পঢ়ক: Royal Bengal tiger menace: শোণিতপুৰত ঢেকীয়াপতিয়া বাঘৰ মুক্ত বিচৰণ
