মৰাণ,9 মাৰ্চ: নাহৰকটীয়াৰ জয়পুৰত বুধবাৰে বৃহৎ পৰিমাণৰ নগদ ধন জব্দ কৰা হয় । জানিব পৰা মতে এছ এছ টি বিভাগে চলোৱা নিয়মীয়া তালাচীৰ সময়ত পৃথকে পৃথকে জব্দ কৰা হয় সৰ্বমুঠ 7 লাখ 95 হাজাৰ টকা ।
এছ এছ টিৰ অভিযানত প্ৰথমে অৰুণাচল প্ৰদেশৰ খুনচাৰ পৰা তিনিচুকীয়াৰ অভিমুখে গৈ থকা এখন গাড়ীত কুৱানগাম লৈহামাখা নামৰ এজন লোকৰ পৰা জব্দ কৰা হয় 4 লাখ 95 হাজাৰ টকা ৷
তদুপৰি একে স্থানতে জয়পুৰৰ পৰা দেওমালি অভিমুখে গৈ থকা এখন গাড়ীত মহম্মদ মকবুল আহমেদ নামৰ লোকজনৰ পৰা জব্দ কৰা হয় ৩ লাখ নগদ টকা । অৱশ্যে কি কাৰণত এই ধনখিনি ব্যক্তিজনে লগত লৈ আহিছিল সেই কথা এতিয়াও নিশ্চিত হোৱা নাই । বৰ্তমান তদন্ত অব্যাহত ৰাখিছে স্থিৰ নিৰীক্ষণকাৰী দলে ৷
লগতে পঢ়ক: ঢেকীয়াজুলি সমষ্টিৰ বাবে কংগ্ৰেছ ফেক্টৰ নহয়
