চাচনীৰ খেতি পথাৰত শুড় পোকৰ তাণ্ডৱ

বান আৰু খেতি পথাৰত শুড় পোকৰ তাণ্ডৱত দিশহাৰা হৈ পৰিছে নাহৰকটীয়াৰ কৃষক সকল ৷ দুৰ্যোগে বিধস্ত কৰাৰ পাছতো কোনো ব্যৱস্থা নোলোৱাৰ অভিযোগ কৃষি বিভাগৰ বিৰুদ্ধে ৷

নাহৰকটীয়া , 2 অক্টোবৰঃ প্ৰথমে বান আৰু তাৰ পাছতেই শুড় পোকৰ তাণ্ডৱ নাহৰকটীয়াৰ চাচনী পথাৰত ৷ এফালৰ পৰা শুড় পোকে নিঃশেষ কৰিছে কৃষকৰ বিঘাই বিঘাই ধান খেতি ৷ মূলতঃ কৃষি প্ৰধান অঞ্চলটোত একেৰাহে দুটা দুৰ্যোগে বিধস্ত কৰি নিয়াৰ পিছত হাহাকাৰ অৱস্থাৰ সৃষ্টি হৈছে কৃষক সকলৰ মাজত ৷ কৃষক সকলৰ অভিযোগ, মাত্ৰ দুটামান কীটনাশক বটল দিয়েই নিজৰ দায়িত্ব সামৰিছে নাহৰকটীয়া মহকুমা কৃষি বিভাগে ৷ শ শ কৃষিভূমি শুড় পোকৰ কৱলত পৰাৰ পিছতো কোনো কাণসাৰ নাই মন্ত্ৰী অতুল বৰাৰ কৃষি বিভাগৰ ৷

লগতে পঢ়ক, পুনৰ প্ৰাণ পায় উঠিছে কাগজৰ মোনা বনোৱা থলুৱা উদ্যোগ 'ডি কে পেপাৰছ'