ডিব্ৰুগড়,৬ মে': কালৰূপী কৰ'ণাই প্ৰাণ কাঢ়িছে এজনৰ পিছত আনজনৰ । দেশৰ আন আন ঠাইৰ দৰে অসমতো ক্ৰমান্বয়ে পৰিস্থিতি জটিল হৈ পৰিছে । ডিব্ৰুগড় জিলাতো প্ৰতি দিনে বাঢ়িছে সংক্ৰমণৰ হাৰ । বুধবাৰে ডিব্ৰুগড়ৰ অসম চিকিৎসা মহাবিদ্যালয় হাস্পতালত কেইবাজনো ক'ভিড ৰোগীৰ মৃত্যু হয় ।
ডিব্ৰুগড়ৰ টেপৰ গাঁৱৰ আইমুনু সোণোৱাল নামৰ এগৰাকী মহিলাগৰাকীৰো মৃত্যু হৈছে । বুধবাৰে নিশা ১২ বজাৰ পৰা বৰ্তমানলৈকে ডিব্ৰুগড়ৰ অসম চিকিৎসা মহাবিদ্যালয় হাস্পতালত চিকিৎসাধীন হৈ থকা ৬ জন ক'ভিড ৰোগীৰ মৃত্যু হৈছে ।
ক'ভিডৰ দ্বিতীয় ঢৌৱে এতিয়ালৈকে ডিব্ৰুগড় জিলাৰ মুঠ ২৭ জন লোকৰ প্ৰাণ কাঢ়িছে । সম্প্ৰতি ৰাজ্যত ভয়াৱহ পৰিস্থিতিয়ে দেখা দিছে । সংক্ৰমণ ৰোধৰ উপায় হিচাপে কেতবোৰ কঠোৰ নিৰ্দেশনা কাৰ্যকৰী কৰিবলগীয়া হৈছে চৰকাৰে ।
লগতে পঢ়ক: ৰাজ্যবাসীৰ সংকটৰ সময়ত পুনৰ জুবিন গাৰ্গৰ মহানুভৱতা
