ডিব্ৰুগড়,23 মাৰ্চঃ শনিবাৰে ডিব্ৰুগড়ত বিজেপিৰ ৰাজ্যিক সভাপতি ৰঞ্জিত দাসে এই নিৰ্বাচনত বিজেপি মিত্ৰজোঁটে কংগ্ৰেছক clean sweep কৰিব বুলি উল্লেখ কৰি বৰ্তমান কংগ্ৰেছ হাতত থকা ডিফু , কলিয়াবৰ আৰু শিলচৰৰ আসন হেৰুৱাব বুলি কয় ৷ শনিবাৰে কলিয়াবৰ , যোৰহাটত অগপ, গণশক্তি , ৰাভা যৌথ সংগ্ৰাম সমিতি , তিৱা ঐক্য মঞ্চকে ধৰি মিত্ৰদলৰ সৈতে বৈঠকৰ পাচত ডিব্ৰুগড়ত বিয়লি অগপ সভাপতি অতুল বৰা , মন্ত্ৰী কেশৱ মহন্তসহ গণশক্তিৰে দীঘলীয়া আলোচনাত মিলিত হয় ৰঞ্জিত দাস ৷ দিনযোৰা এই কাৰ্যসূচীত মিত্ৰদলক কংগ্ৰেছ দল উৎখাত কৰিবলৈ আহ্বান জনোৱাৰ লগতে একত্ৰিত হৈ যুঁজাৰ সংকল্প গ্ৰহণ কৰে ৷
কংগ্ৰেছ শূন্য হ’ব অসমঃ ৰঞ্জিত দাস
