ডিব্ৰুগড়,24 মাৰ্চ: ডিব্ৰুগড়ৰ জকাইত বুধবাৰে সোণোৱাল কছাৰী লোকসকলে উলহ-মালহেৰে উদযাপন কৰে খ্ৰীং খ্ৰীং বাথৌ পূজা ৷ সোণোৱাল কছাৰী সমাজৰ পৰম্পৰাগত আৰাধ্য দেৱতা খ্ৰীং খ্ৰীং বাথৌ দেৱতাক পূজা কৰাৰ অৰ্থে পুৱাৰ ভাগৰে পৰা জকাই আঞ্চলিক ৰাজহুৱা বাথৌ মন্দিৰত ভিৰ কৰে অগণন ভক্তই ৷
ইয়াৰ পাচতে সোণোৱাল কছাৰী সমাজৰ শৈক্ষিক, সামাজিক, আধ্যাত্মিক চিন্তা-চৰ্চাৰ লগতে সোণোৱাল সমাজৰ বৰ্তমান, অতীত আৰু ভৱিষ্যতৰ ওপৰত এখনি আলোচনা চক্ৰ অনুষ্ঠিত হয় । আলোচনা চক্ৰত উপস্থিত থাকে সোণোৱাল কছাৰী সমাজৰ কেইবা গৰাকীও বিশিষ্ট ব্যক্তি ।
আনহাতে, বাথৌ দেৱতাৰ চৰণত সেৱা ল’বলৈ উপস্থিত হয় লাহোৱাল সমষ্টিৰ বিজেপিৰ মনোনীত প্ৰাৰ্থী বিনোদ হাজৰিকা আৰু ৰাইজৰ দলৰ মনোনীত প্ৰাৰ্থী দিব্যজ্যাতি দত্ত ৷
লগতে পঢ়ক : জৱাহৰলাল নেহৰু মহাবিদ্যালয়ৰ 'মহাবিদ্যালয় সপ্তাহ' আৰম্ভ
