ডিব্ৰুগড়,১৬জুন: বগীবিল দলঙৰ সমীপত ভয়ংকৰ পথ দুৰ্ঘটনা । দলঙৰ সমীপৰ টঙানীত সংঘটিত হয় এই ভয়াবহ পথ দুৰ্ঘটনাটো । দুৰ্ঘটনাটোত থিতাতে নিহত হয় অৰুণাচল জয়ৰামপুৰৰ DFO চংকিম মচাঙৰ পত্নী ভাৰতি মচাং আৰু তেওঁলোকৰ বাহনখনৰ চালক অমিত চনাৰ । ইফালে এই দুৰ্ঘটনাত গুৰুতৰভাৱে আহত হয় চংকিম মচাং । সংকটজনক অৱস্থাত চংকিম মচাঙক ভৰ্তি কৰা হয় ডিব্ৰুগড়ৰ শংকৰদেৱ চিকিৎসালয়ত ।
তথ্য অনুসৰি, দেওবাৰে পুৱা AR128848 নম্বৰ বলেৰ বাহনখনত অৰুণাচল জয়ৰামপুৰৰ DFO চংকিম মচাং আৰু তেওঁৰ পৰিয়াল ডিব্ৰুগড়ৰ দিশে আহি আছিল । আহি থকা সময়তে বিপৰীত দিশৰ পৰা অহা এখন আল্ট্ৰা বাছৰ সৈতে মচাঙৰ বাহনখনৰ মুখা-মুখি সংঘৰ্ষ হৈ দুৰ্ঘটনাটো সংঘটিত হয় ।
