মৰাণ, ২৪ নৱেম্বৰ: পঞ্জাৱত নিৰ্মাণ কৰা মেগা ফুড পাৰ্ক মঙলবাৰে শুভ উদ্বোধন কৰে ভাৰত চৰকাৰৰ খাদ্য সংসাধন আৰু উদ্যোগ মন্ত্ৰণালয়ৰ কেন্দ্ৰীয় ৰাজ্যিক মন্ত্ৰী ৰামেশ্বৰ তেলীয়ে। ভিডিঅ' কনফাৰেন্সযোগে ফুড পাৰ্কখন উদ্বোধন কৰে মন্ত্ৰীগৰাকীয়ে। দুলীয়াজানস্থিত বাসগৃহৰ লগতে থকা কাৰ্যালয়ৰ পৰাই উদ্বোধনী অনুষ্ঠানত অংশ লয় । পঞ্জাৱৰ তেহচিল ফাগৱাৰাত নিৰ্মাণ কৰা হৈছে এই মেগা ফুড পাৰ্কখন।
উদ্বোধনী অনুষ্ঠানত পঞ্জাৱ চৰকাৰৰ বহুকেইগৰাকী মন্ত্ৰী, বিধায়কৰ লগতে খাদ্য সংসাধন মন্ত্ৰণালয়ৰ কেইবাগৰাকীও উচ্চস্তৰীয় বিষয়াই অংশগ্ৰহণ কৰে। উল্লেখ্য যে, ৰাজ্য চৰকাৰে পূৰ্বে কেন্দ্ৰীয়ভাৱে মৰাণত আয়োজন কৰা লাচিত দিৱসত অংশ ল'বলৈ দিল্লীৰ পৰা মন্ত্ৰীগৰাকী অসমলৈ আহিছিল ।
কিন্তু প্ৰাক্তন মুখ্যমন্ত্ৰী তৰুণ গগৈৰ বিয়োগৰ বাবে ৰাজ্য চৰকাৰে লাচিত দিৱসৰ সকলো কাৰ্যসূচী বাতিল কৰে।
লগতে পঢ়ক:লিডুত ভাৰতীয় সেনা জোৱানৰ স্বচ্ছতা অভিযান
