পশ্চিম বিলাসীপাৰা,16ছেপ্তেম্বৰ: প্ৰস্তাৱিত কমতাপুৰ ৰাজ্যৰ লগতে কোচ ৰাজবংশী জনগোষ্ঠীটোক জনজাতিকৰণ নকৰা লৈকে আমাৰ সংগ্ৰাম অব্যাহত থাকিব ৷ মঙলবাৰে বিলাসীপাৰাৰ শালকোচাত আক্ৰাছুৰ এখন সম্বৰ্ধনা সভাত অংশগ্ৰহণ কৰি এই মন্তব্য কৰে আক্ৰাছুৰ কেন্দ্ৰীয় সাধাৰণ সম্পাদক গোকুল বৰ্মনে ৷ তদুপৰি আগন্তুক বিধানসভা নিৰ্বাচনৰ পূৰ্বে কোচ ৰাজবংশী সকলক জনজাতিকৰণ আৰু প্ৰস্তাৱিত কমতাপুৰ প্ৰদান কৰাত চৰকাৰে আওকান কৰিলে ইয়াৰ যোগ্য প্ৰত্যুত্তৰ দিয়া হ'ব বুলিও চৰকাৰক সকিয়াই দিয়ে কেন্দ্ৰীয় সাধাৰণ সম্পাদক গৰাকীয়ে ৷
ইপিনে,শালকোচা আঞ্চলিক আক্ৰাছুৰ উদ্যোগত আয়োজিত এই সম্বৰ্ধনা সভাত উপস্থিত থাকে আক্ৰাছুৰ কেন্দ্ৰীয় সভাপতি অৰুণ কুমাৰ ৰায়,উপ-সভাপতি মুকুল বৰুৱাৰ লগতে বিভিন্ন পৰ্যায়ৰ নেতা কৰ্মী ৷ সভাত অৰুণ ৰায় গোটৰ পৰা বিভক্ত হোৱা বহু নেতা-কৰ্মী পুনৰ অৰুণ ৰায় গোটত যোগদান কৰে ৷আনহাতে,স্ব-গোষ্ঠীয় গামোছাৰে বিভক্ত হোৱা নেতা কৰ্মী সকলক আদৰণি জনায় কেন্দ্ৰীয় সভাপতি গৰাকীয়ে আক্ৰাছু আৰু অধিক শক্তিশালী হ'ল বুলি সভাত মন্তব্য কৰে ৷
লগতে পঢ়কঃফেচবুকত ভুৱা প্ৰচাৰ চলোৱাৰ অভিযোগ বিধায়ক বলিন চেতিয়াৰ বিৰুদ্ধে
