ধুবুৰী,12 জানুৱাৰী : ধুবুৰীৰ আগমনীত ভয়ংকৰ পথ দুৰ্ঘটনা । আগমনীৰ ৰতিয়াদহত সংঘটিত ভয়ংকৰ পথ দুৰ্ঘটনাত নিহত হয় দুজন লোক ৷ মালবাহী ট্ৰাক আৰু বাইকৰ মাজত সংঘটিত হয় পথ দুৰ্ঘটনাত থিতাতে নিহত দুই বাইক আৰোহী । AS-১৮-৯৩৭৬ নম্বৰৰ দ্ৰুতবেগী ট্ৰাকখনৰ খুন্দাত ৰাজপথতে উফৰি পৰে বাইক আৰোহী দুজন।
উল্লেখ্য যে, নিহত বাইক আৰোহী দুজন ঝাপুসাবাৰী দ্বিতীয় খণ্ড গাঁৱৰ আব্দুল আজিত আৰু আৰিফ আলী বুলি জানিব পৰা গৈছে । ঘটনাস্থলীত আগমনী আৰক্ষী উপস্থিত হৈ মৃতদেহ দুটা উদ্ধাৰ কৰি মৰণোত্তৰ পৰীক্ষাৰ বাবে ধুবুৰী অসামৰিক চিকিৎসাললৈ প্ৰেৰণ কৰে । দুৰ্ঘটনাটো সংঘটিত হোৱাত শোকৰ ছাঁ পৰিছে সমগ্ৰ অঞ্চলটোত ।
লগতে পঢ়ক: বিলাসীপাৰাত ব্যৱসায়ীক ডিঙি কাটি হত্যা দুৰ্বৃত্তৰ
