ধুবুৰী, 13 ফেব্ৰুৱাৰী : অৱশেষত 24 ঘণ্টাৰ পিছত উদ্ধাৰ কৰা হ'ল সন্ধানহীন হৈ থকা ডুবাচুৰী গাঁও পঞ্চায়তৰ সভাপতি আমিনুল হকক। শুকুৰবাৰৰ আবেলিৰ পৰা সন্ধানহীন হৈ আছিল আমিনুল হক ৷
স্থানীয় লোকে সদৰি কৰা মতে শনিবাৰে খোৰাঘাট বন বিভাগে টহল দি থকা অৱস্থাত টিপকাই ঘন জংঘলত প্ৰত্যক্ষ কৰে আমিনুল হকক । ইয়াৰ পিছতে বন বিষয়াই বগৰীবাৰী আৰক্ষীক খবৰ দিয়ে । বগৰীবাৰী আৰক্ষীয়ে টিপকাই ঘন জংঘলৰ পৰা হাত ভৰি বন্ধা অৱস্থাত উদ্ধাৰ কৰে সভাপতি আমিনুল হকক ৷
উল্লেখ্য যে, সভাপতি আমিনুল হকক বগৰীবাৰী মহাত্মা গান্ধী আদৰ্শ চিকিৎসালয়ত স্বাস্থ্য পৰীক্ষা কৰি বিলাসীপাৰা আৰক্ষীয়ে নিজৰ জিম্মাত ৰাখিছে ৷
লগতে পঢ়ক: চন্দ্ৰপুৰত ৰে'ল পথৰ সুৰংগ খান্দি থকা অৱস্থাত ভূমিস্খলন: আবদ্ধ বহুজন