গোলকগঞ্জত মন্ত্ৰী হিমন্ত বিশ্ব শৰ্মাৰ নিৰ্বাচনী প্ৰচাৰ

ধুবুৰীৰ গোলোকগঞ্জত ড০ হিমন্ত বিশ্ব শৰ্মাৰ বিশাল নিৰ্বাচনী সভা । গীতৰ তালে তালে নৃত্যত মতলীয়া হিমন্ত। ইপিনে মন্ত্ৰী গৰাকী নিজে মাক্স পিন্ধা নাই, মানে এতিয়া ক’ভিড নাই । ৰাজহুৱা সভাত এইদৰেই মন্তব্য কৰিলে মন্ত্ৰী হিমন্তই ।

ধুবুৰী,2 এপ্ৰিলঃ শুকুৰবাৰে ধুবুৰীৰ গোলোকগঞ্জৰ বীৰ চিলাৰায় দলংৰ কাষত থকা মেলা ময়দানত বিজেপিৰ এক বিশাল নিৰ্বাচনী প্ৰচাৰ সভাত অংশগ্ৰহণ কৰে ড০ হিমন্ত বিশ্ব শৰ্মাই । ২৫ নং গোলোকগঞ্জ সমষ্টিৰ বিজেপি প্ৰাৰ্থী অশ্বিনী ৰায় সৰকাৰৰ হৈ সভাত প্ৰচাৰ চলায় শৰ্মাই । মঞ্চত বিভিন্ন জনৰ সৈতে চেল্ফি উঠি নাচি-বাগি সহস্ৰাধিক ৰাইজৰ সন্মুখত প্ৰতিশ্ৰুতিৰে বন্যা বোৱাই পেলায় মন্ত্ৰী হিমন্ত বিশ্ব শৰ্মাই। গোলোকগঞ্জত বীৰ চিলাৰায় বিশ্ববিদ্যালয়, নতুন কৈ গংগাধৰ নৈৰ ওপৰত দলং, বন্ধনৰ ঋণ মাফ কৰা, ষ্টেডিয়াম নিৰ্মাণকে ধৰি বহু উন্নয়ন হ’ব বুলিও ভাষণত মন্তব্য কৰে মন্ত্ৰী হিমন্ত বিশ্ব শৰ্মাৰ।

অসমত চৰকাৰ গঠনৰ বাবে প্ৰয়োজন ৬৪ খন আসনৰ। যদিও সদ্য সমাপ্ত নিৰ্বাচন অনুসৰি বিজেপিৰ হাতত ইতিমধ্যে ৬৫ খন আসন মজুত আছে বুলি কৈ বিজেপিৰ নেতৃত্বত চৰকাৰ গঠন হোৱাটো নিশ্চিত বুলি দাবী কৰিলে হিমন্ত বিশ্ব শৰ্মাই ।

গোলকগঞ্জত মন্ত্ৰী হিমন্ত বিশ্ব শৰ্মাৰ নিৰ্বাচনী প্ৰচাৰ

লগতে পঢ়কঃ নিৰ্বাচন আয়োগৰ প্ৰেছ বিজ্ঞপ্তি : নিলম্বন 4 নিৰ্বাচনী বিষয়া