ধুবুৰী, 22 নবেম্বৰ : ৰাজ্যৰ বিভিন্ন প্ৰান্তৰ লগতে ধুবুৰীতো অব্যাহত আছে ড্ৰাগছৰ বেহা । ড্ৰাগছ বিৰোধী অভিযান তীব্রতৰ কৰি তুলিছে ধুবুৰী আৰক্ষীয়ে। ধুবুৰীত বৃহৎ পৰিমাণৰ ড্ৰাগছ সহ এজনক গ্ৰেপ্তাৰ । আৰক্ষীৰ ধাৰাবাহিক অভিযানৰ পিছতো ধুবুৰীত অব্যাহত আছে মাৰাত্মক ড্ৰাগছৰ বেহা। তেনে সময়তে আৰক্ষীয়ে এক গোপন তথ্যৰ ভিত্তিত আৰক্ষীৰ নাকা চেকিং বহাই চলাইছে ড্ৰাগছ বিৰোধী অভিযান ।
ধুবুৰীৰ গৌৰীপুৰ সংযোগী পথত ধুবুৰী জিলা উপ আৰক্ষী অধীক্ষক বিদ্যুৎ বিকাশ বৰা ভুঞাৰ নেতৃত্বত চলে আৰক্ষীৰ এই অভিযান । অভিযানত বৃহৎ পৰিমাণৰ ড্ৰাগছ জাতীয় ইৱাবা টেৱলেট জব্দ কৰে আৰক্ষীয়ে। ড্ৰাগছ সহ গ্ৰেপ্তাৰ ড্ৰাগছ মাফিয়া জাকিৰ হুছেইন । ধৃত ড্ৰাগছ মাফিয়া জাকিৰ হুছেইন নামৰ জিম্মাৰ পৰা জব্দ ৪ হাজাৰ টা ইৱাবা টেবলেট ।
ড্ৰাগছ খিনি সৰবৰাহ কৰাৰ বাবে ধুবুৰীৰ ঝগৰাৰ পাৰ চতুৰ্থ খণ্ড এলেকাত আত্মগোপন কৰি আছিল জাকিৰ । পিছে আৰক্ষীৰ অহাৰ উমান পাই ড্ৰাগছ মাফিয়া জাকিৰ হুছেইনে পলাৱলৈ চেষ্টা কৰে যদিও আৰক্ষীয়ে ৰাজপথত খেদি খেদি কৰায়ত্ত কৰিলে জাকিৰ হুছেইন নামৰ ড্ৰাগছ মাফিয়া জনক । ধৃত জাকিৰৰ ঘৰ দক্ষিণ শালমাৰাৰ মানকাচৰ জিলাৰ ঝুটডাঙা গাঁৱত। ধৃত জাকিৰ হুছেইনৰ লগত বৃহৎ চক্ৰ জড়িত থকাৰ সন্দেহ আৰক্ষীৰ ।
লগতে পঢ়ক : ফান্দত পৰিল মাছৰ গাড়ীৰ পৰা ধন দাবী কৰা জিলা আছুৰ শিক্ষা সম্পাদক সহ এজন
