ধুবুৰী, 27 জুলাই: দীর্ঘদিন ধৰি ধুবুৰীকে ধৰি নামনি অসমৰ বিভিন্ন অঞ্চলত ড্ৰাগছৰ বেহা চলাই অহা চহিদুৰ ৰহমান অৱশেষত আৰক্ষীৰ জালত(Drugs mafia arrested in Dhubri) । ড্ৰাগছৰ বিৰুদ্ধে ধুবুৰী আৰক্ষীয়ে অভিযান অব্যাহত ৰখাৰ সময়তে ধুবুৰীৰ আমেৰভিটা অঞ্চলৰ বালিচৰত ড্ৰাগছ বিক্ৰী কৰি থকাৰ খবৰ লাভ কৰে ধুবুৰীৰ বি এন কলেজ নগৰ আৰক্ষীয়ে ।
এই গোপন তথ্যৰ ভিত্তিত অভিযান চলাই ড্ৰাগছ বিক্ৰী কৰি থকা অৱস্থাতে আৰক্ষীয়ে হাতে লোটে আটক কৰে ড্ৰাগছ মাফিয়া চহিদুৰ ৰহমানক । ধৃত চহিদুৰৰ জিম্মাৰ পৰা ১২ টাকৈ সন্দেহজনক ব্ৰাউন চুগাৰভৰ্তি কণ্টেইনাৰ জব্দ কৰে আৰক্ষীয়ে । বৰ্তমান বি এন কলেজ নগৰ আৰক্ষী চকীত আটকাধীন হৈ আছে ড্ৰাগছ মাফিয়া চহিদুৰ ৷ ঘটনা সন্দৰ্ভত আৰক্ষীয়ে মাৰাথন জেৰা অব্যাহত ৰাখিছে ৷
ধৃত ড্ৰাগছ মাফিয়া চহিদুৰৰ ঘৰ ধুবুৰীৰ বগুলামাৰী দ্বিতীয় খণ্ডত বুলি জানিবলৈ দিয়ে আৰক্ষীয়ে ।
লগতে পঢ়ক: Human Trafficking At Bihali: মানৱ সৰবৰাহকাৰীৰ কবলৰ পৰা কিশোৰী উদ্ধাৰ
