অসম পৰ্যটনৰ নামত কোটি টকা,কি অৱস্থাত ৰাজ্যৰ পৰ্যটন ক্ষেত্ৰ !

অসম পৰ্যটনৰ নামত অসম চৰকাৰে ব্যয় কৰিছে কোটি টকা ৷ কিন্তু কি অৱস্থাত আছে ৰাজ্য পৰ্যটন ক্ষেত্ৰসমূহ...

ধুবুৰী, 21 নৱেম্বৰঃ মহবাহু ব্ৰহ্মপুত্ৰৰ পাৰত অৱস্থিত ঐতিহাসিক ধুবুৰী চহৰ। বহু পুৰণি ৰজাদিনীয়া আৰু ব্ৰিটিছৰ ঐতিহাসিক সম্পদসমূহৰে জিলিকি আছে চহৰখন ৷ এই সম্পদ সমূহৰ ভিতৰত অন্যতম ভিক্টোৰিয়া পাৰ্ক ৷ 1905 চনতে ব্ৰিটেইনৰ পৰা ভাৰতলৈ অনা হৈছিল ব্ৰিটেইনৰ ৰাণী ভিক্টোৰিয়াৰ দুটাকৈ সম্পূৰ্ণ প্ৰতিমূৰ্তি । ইয়াৰে এটা পুণেত আৰু আনটো প্ৰতিমূৰ্তি ধুবুৰীত প্ৰতিষ্ঠা কৰা হৈছিল ৷ ব্ৰিটিছৰ আমোলত উত্তৰ-পূৰ্বাঞ্চলৰ সৈতে বেপাৰ বাণিজ্য কৰাৰ ক্ষেত্ৰত ধুবুৰী চহৰক বিশেষভাৱে গুৰুত্ব দিয়া হৈছিল ৷ ইয়াৰ ফলস্বৰূপে ধুবুৰী চহৰৰ তেতুলতলাত ১৯০৫ চনত স্থাপন কৰা হৈছিল ৰাণী ভিক্টোৰিয়াৰ পূৰ্ণাংগ প্ৰতিমূৰ্তি । কিন্তু ৰাজ্য চৰকাৰৰ অদূৰদৰ্শিতাৰ বাবে সম্প্ৰতি মৃত্যু মুখলৈ গতি কৰিছে পাৰ্কখন ৷ বছৰৰ প্ৰায় 365 দিনেই তলা ওলমি থাকে পাৰ্কখনত ৷ নিশা হ'লেই পাৰ্কখনত চলে সুৰা আৰু জুৱাৰ আড্ডা ৷

16শ শতিকাত চহৰখনত স্থাপন হৈছিল পাঁচ পীৰ দৰগাহ আৰু শিখ ধৰ্মৰ নৱমগুৰু গুৰু টেগ বাহাদুৰৰ গুৰুদ্বাৰ। ইতিহাসৰ সাক্ষ্য বহন কৰি মহাবাহুৰ পাৰত তেতিয়াৰ যুগৰ পৰাই জিলিকি আছে নেতাই ধুবুনী ঘাট ৷ কিন্তু এই সম্পদ সমূহৰ উন্নয়নৰ ক্ষেত্ৰত কোনোধৰণৰ গুৰুত্ব নাই পৰ্যটন নিগমৰ ৷ ইমানৰ পাচতো পৰ্যটন উন্নয়ন নিগমৰ অধ্যক্ষ জয়ন্ত মল্ল বৰুৱাৰ মন্তব্য-অসম পৰ্যটনৰ ক্ষেত্ৰখনত আন্তঃগাথনি উন্নয়নৰ কোনো প্ৰয়োজন নাই ৷

লগতে পঢ়কঃ চোৰাং সৰবৰাহৰ ঘাটিলৈ পৰিণত গুৱাহাটী মহানগৰী