পশ্চিম বিলাসীপাৰা, 2 জুনঃ মঙলবাৰে দুপৰীয়া বিলাসীপাৰাত উপস্থিত হয় স্বাস্থ্য আৰু বিত্ত বিভাগৰ মন্ত্ৰী ডঃ হিমন্ত বিশ্ব শৰ্মা ৷ বিলাসীপাৰাত উপস্থিত হৈ মন্ত্ৰীগৰাকীয়ে Covid-19ত আক্ৰান্তৰ বাবে এখন Covid-19 চিকিৎসালয় মুকলি কৰে ৷ বিলাসীপাৰা (দ্বিপৰকুটি) মহকুমা অসামৰিক চিকিৎসালয়খনত ৭০ খন বিছনাযুক্ত Covid-19 চিকিৎসালয় মুকলি কৰে মন্ত্ৰী শৰ্মাই ৷ অৱশ্যে Covid-19ত আক্ৰান্ত হোৱা অধিক জটিল ৰোগীসকলক ৰখাৰ ব্যৱস্থা এই চিকিৎসালয়খনত নাই বুলিও জানিবলৈ দিয়ে মন্ত্ৰীগৰাকীয়ে ৷
স্বাস্থ্য বিভাগৰ পৰিকল্পনা অনুসৰি কোৱাৰেন্টাইন কেন্দ্ৰৰ সংখ্যা কমোৱাৰ উদ্দেশ্যে অহা তিনি দিনৰ ভিতৰত কোৱাৰেন্টাইন কেন্দ্ৰত থকা লোকসকলৰ Swab ৰ নমুনা পৰীক্ষা শেষ কৰা হ'ব ৷ এই পৰ্যন্ত ধুবুৰী জিলাত ১০০০ নমুনা পৰীক্ষা কৰিলে শতকৰা ৫ জনৰ শৰীৰত Covid-19ৰ উপস্থিতি পোৱা গৈছে ৷
লগত চাওকঃ ৰাণীত বন্যহস্তীৰ আক্রমণত আহত এগৰাকী লোক
