জোনাই, ২৪ ছেপ্টেম্বৰ: আজি জোনাই বালিকা মহাবিদ্যালয়ৰ ২৮ সংখ্যক প্ৰতিষ্ঠা দিৱস (28th Foundation Day of Jonai Girls College)। ১৯৯৪ চনতে স্থাপন কৰা হৈছিল জোনাই মহকুমাৰ একমাত্ৰ ছোৱালী বালিকা মহাবিদ্যালয়খন ৷ এই শিক্ষাৰ প্ৰতিষ্ঠানটোৰ শনিবাৰে ২৮ বৰ্ষ সম্পূৰ্ণ হোৱাত উলহ-মালহেৰে পালন কৰা হয় প্ৰতিষ্ঠা দিৱসটো ৷ কেইবাটাও কাৰ্যসূচীৰে পালন কৰা হয় এই প্ৰতিষ্ঠা দিৱসটি ৷
প্ৰথম কাৰ্যসূচীত প্ৰতিষ্ঠাপক অধ্যক্ষ স্বৰ্গীয় ৰুহিনী পেগুৰ প্ৰতিচ্ছবিত ছাত্ৰীসকলৰ লগতে মহাবিদ্যালয়ৰ প্ৰৱক্তা তথা বিভিন্নজনে মাল্য অৰ্পন কৰি শ্ৰদ্ধাঞ্জলি জ্ঞাপন কৰে (Jonai Girls College Foundation Day Celebrated) । দ্বিতীয় কাৰ্যসূচীত ছাত্ৰী তথা প্ৰৱক্তাসকলৰ সহযোগত অসমৰ বিভিন্ন জাতি-জনগোষ্ঠীৰ বাৰেৰহনীয়া পোছাকেৰে মহাবিদ্যালয় প্ৰাঙ্গনৰ পৰা জোনাই সদৰত সাংস্কৃতিক শোভাযাত্ৰা উলিয়ায় ।
এই অনুষ্ঠানত ইহসংসাৰৰ পৰা বিদায় লোৱা মহাবিদ্যালয়খনিৰ প্ৰতিষ্ঠাপক অধ্যক্ষ স্বৰ্গীয় ৰোহিনী পেগুক আন্তৰিক শ্ৰদ্ধাঞ্জলী জ্ঞাপন কৰি অধ্যক্ষ খগেশ্বৰ পেগুৱে কয় "এই শুভক্ষণত সকলোকে আন্তৰিক শুভেচ্ছা জ্ঞাপন কৰিছো ৷ লগতে জোনাইবাসী ৰাইজৰ সহায় সহযোগিতা অবিহনে উচ্চ শিক্ষাৰ এই মহান অনুষ্ঠানখনিক সুচাৰুৰূপে আগবঢ়াই নিয়াতো অসম্ভৱ বুলি দোহাৰি সকলোকে হাতে-হাত ধৰি আটাইৰে মৰম আৰু গৌৰৱৰ এই মহাবিদ্যালয়খনিক সৰ্বতো প্ৰকাৰে আগবঢ়াই নিবলৈ আহ্বান জনাইছে ৷
আজিৰ এই শুভ প্ৰতিষ্ঠা দিৱসটোত জোনাইৰ জ্যেষ্ঠ নাগৰিক, বুদ্ধিজীৱী তথা অভিভাৱক সকলো উপস্থিত থাকে ৷
