ধেমাজিত ৰাজহুৱা বিতৰণ ব্যৱস্থাত ব্যাপক অনিয়মৰ অভিযোগ

ধেমাজিৰ বৰদলনি সমবায় সমিতিৰ অধীনৰ বাহাকাটিকা গাঁৱৰ সমবায় এজেণ্ট মহানন্দ বৰুৱাৰ বিৰুদ্ধে ৰাজহুৱা বিতৰণ ব্যৱস্থাত লুণ্ঠনৰাজ চলোৱাৰ অভিযোগ উত্থাপন স্থানীয় ৰাইজ ৷

ধেমাজি , 4 জুন : ধেমাজিত ৰাজহুৱা বিতৰণ ব্যৱস্থাত ব্যাপক অনিয়ম সংঘটিত হোৱাৰ অভিযোগ উত্থাপন কৰিছে স্থানীয় ৰাইজে ৷ ৰাইজৰ ভাষ্য অনুসৰি, জিলাখনৰ বৰদলনি সমবায় সমিতিৰ অধীনৰ বাহাকাটিকা গাঁৱৰ সমবায় এজেণ্ট মহানন্দ বৰুৱাই গাঁওখনত কেৱল লুণ্ঠনৰাজ চলাই আহিছে ৷ গাঁওখনৰ ৰূপজ্যোতি বৰ্মন,খগেশ্বৰ বৰ্মন,অভৰণ বৰ্মন,পৰীক্ষিত বৰ্মন,মনেশ্বৰ বৰ্মন,হিতেশ্বৰ বৰ্মন,সুৰেন বৰ্মন আদি ১৫ গৰাকী ৰেচন কাৰ্ডৰ হিতাধিকাৰীয়ে বিগত মাৰ্চ মাহৰ পৰা চৰকাৰী সুলভ মূল্যৰ খাদ্য সামগ্ৰীৰ পৰা বঞ্চিত হৈ আছে ৷

লগতে পঢ়কঃ কৰিমগঞ্জৰ ৰাজহুৱা স্থানত উদ্ধাৰ ব্যৱহৃত পিপিই কিট

ধেমাজিত ৰাজহুৱা বিতৰণ ব্যৱস্থাত ব্যাপক অনিয়মৰ অভিযোগ

কেৱল ইমানেই নহয় হিতাধিকাৰীৰ ঠিকনা আৰু বেংকৰ নাম সলনি কৰি অৰাজকতা সৃষ্টি কৰাৰো অভিযোগ উত্থাপন হৈছে এজেণ্টগৰাকীৰ বিৰুদ্ধে ৷ এই বিষয়ে স্থানীয় এজেণ্টে অজ্ঞানতা প্ৰকাশ কৰাত স্থানীয় লোকে ধেমাজি জিলা অসামৰিক খাদ্য আৰু যোগান বিভাগৰ সঞ্চালকক লিখিত অভিযোগ দিয়ে ৷

কিন্তু বিভাগটোৱে এই বিষয়ত কোনো গুৰুত্ব প্ৰদান নকৰাৰ ফলত ১ জুনত ধেমাজিৰ বিধায়ক ৰণোজ পেগুকো এই ঘটনা সন্দৰ্ভত ৰাইজে অভিযোগ দাখিল কৰে ৷ বিধায়কগৰাকীয়ে বিষয়টো অনুসন্ধান কৰাৰ বাবে জিলা অতিৰিক্ত উপায়ুক্তলৈ স্বাক্ষৰ কৰি এখন আবেদনৰ জৰিয়তে নিৰ্দেশ দিয়ে ৷ পৰৱৰ্তী সময়ত বিভাগটোৱে ঘটনা সন্দৰ্ভত অনুসন্ধান কৰাৰ আশ্বস্ত প্ৰদান কৰে ৷
লগতে চাওকঃ এপ্ৰিল মাহতেই জৰ্জ ফ্লোয়েডৰ দেহত পাইছিল কৰ'ণা পজিটিভ