দলগাঁৱত ছয় জুৱাৰীক কাৰাগাৰলৈ প্ৰেৰণ

দলগাঁৱত জুৱাৰ বিৰুদ্ধে আৰক্ষীৰ অভিযান । 6 জনকৈ জুৱাৰীক কৰায়ত্ত কৰি কাৰাগাৰলৈ প্ৰেৰণ ।

দলগাঁও, 28 ডিচেম্বৰ : জুৱাৰীৰ বিৰুদ্ধে তীব্ৰ অভিযান দলগাঁও আৰক্ষীৰ ৷ দেওবাৰে নিশা এক গোপন সূত্ৰৰ পম খেদি দলগাঁও আৰক্ষীয়ে পদুপৰি গাঁৱত অভিযান চলাই আটক কৰে 6 জনকৈ জুৱাৰী ৷ জুৱাৰীৰ দলটোৱে অঞ্চলটোত দীৰ্ঘদিন ধৰি জুৱা খেলকে আদি কৰি বিভিন্ন অসামাজিক কামত জড়িত থকাৰ অভিযোগ লাভ কৰিছিল আৰক্ষীয়ে ৷ উক্ত অভিযোগৰ ভিত্তিতে অভিযান চলাই আৰক্ষীৰ দলটোৱে ৷

আৰক্ষীৰ অভিযানত আটক হোৱা জুৱাৰী কেইজন হৈছে- তাজনুল আলী, জিয়াৰুল হক, হামেদ আলী, মকবুল আলী, আখতাৰ আলী, ইন্তাজ আলী আৰু আখতাৰ আলী ওৰফে ভুটু ৷ আৰক্ষীয়ে জুৱাৰী কেইজনৰ কবলৰ পৰা উদ্ধাৰ কৰে জুৱা খেলত ব্যৱহাৰ কৰা ঝাণ্ডি-মুণ্ডা, ডাব্বু আদি ৷ পৰৱৰ্তী সময়ত জুৱাৰীৰ দলটোক কাৰাগাৰলৈ প্ৰেৰণ কৰে আৰক্ষীয়ে ৷

লগতে চাওকঃ দৈজিং মহোৎসৱৰ সকলো কাৰ্যসূচী বাতিল