দলগাঁও, ২৯ আগষ্টঃ দৰঙৰ খাৰুপেটীয়াত বুধবাৰে নিশা আৰক্ষীয়ে নিচা জাতীয় দ্ৰব্যসহ গ্ৰেপ্তাৰ কৰে এজন যুৱকক । গ্ৰেপ্তাৰ কৰা ব্যক্তিজনৰ পৰা জব্দ কৰে 6 টাকৈ নিষিদ্ধ নিচা জাতীয় কফ চিৰাপ ৷ খাৰুপেটীয়া আৰক্ষী থানাৰ ভাৰপ্ৰাপ্ত আৰক্ষী বিষয়া বিৰাজ মোহন ডেকাই গোপন সূত্ৰৰ ভিত্তিতে "ৰিচান মটৰ পাৰ্টছ" নামৰ গাড়ীৰ সামগ্ৰী বিক্ৰী কৰা দোকানৰ পৰা হাফিজুৰ ৰহমান ওৰফে মুন্নাক গ্ৰেপ্তাৰ কৰে ৷
উল্লেখযোগ্য যে, বহুদিন ধৰি অতি চতুৰালিৰে নিষিদ্ধ কফ চিৰাপৰ ব্যৱসায় চলাই আহিছিল অভিযুক্ত হাফিজুৰে ৰহমান নামৰ যুৱকজনে । সম্প্ৰতি খাৰুপেটীয়া থানাত ৩৫২/১৯ নম্বৰত এক গোচৰ পঞ্জীয়ন কৰি জেৰা অব্যাহত ৰাখিছে আৰক্ষীয়ে ।
