ফোন কৰি ধৃতিৰাজক শুভেচ্ছা জনালে মুখ্যমন্ত্ৰী সোণোৱালে

হাইস্কুল শিক্ষান্ত পৰীক্ষাত শীৰ্ষস্থান দখল কৰা ধৃতিৰাজ বাস্তৱ কলিতাক ফোন কৰি শুভেচ্ছা জনালে মুখ্যমন্ত্ৰী সোণোৱালে ৷ মুখ্যমন্ত্ৰী সৰ্বানন্দ সোণোৱালে ফোনযোগেই ছাত্ৰগৰাকীক শুভেচ্ছা জনোৱাৰ লগতে পৰিয়াল আৰু শিক্ষক-শিক্ষয়িত্ৰীকো আন্তৰিক অভিনন্দন জ্ঞাপন কৰে ।

দৰং, 6 জুন : হাইস্কুল শিক্ষান্ত পৰীক্ষাত শীৰ্ষস্থান দখল কৰা ধৃতিৰাজ বাস্তৱ কলিতাক ফোন কৰি শুভেচ্ছা জনালে মুখ্যমন্ত্ৰী সোণোৱালে ৷ আজি ঘোষণা কৰা 2020 বৰ্ষৰ হাইস্কুল শিক্ষান্ত পৰীক্ষাত 595 নম্বৰ লাভ কৰি ৰাজ্যৰ ভিতৰতে শীৰ্ষস্থান দখল কৰে দৰং জিলাৰ পাথৰিঘাট বানেইকুছি গাঁৱৰ নৱকুমাৰ কলিতা আৰু টুলুমনি কলিতাৰ পুত্ৰ ধৃতিৰাজ বাস্তৱ কলিতাই ৷

মুখ্যমন্ত্ৰী সৰ্বানন্দ সোণোৱালে ফোনযোগেই ছাত্ৰগৰাকীক শুভেচ্ছা জনোৱাৰ লগতে পৰিয়াল আৰু শিক্ষক-শিক্ষয়িত্ৰীকো আন্তৰিক অভিনন্দন জ্ঞাপন কৰে । ছিপাঝাৰৰ বিধায়ক বিনন্দ শইকীয়াই ফোনযোগে ধৃতিৰাজৰ সৈতে মুখ্যমন্ত্ৰীক কথা পতাই দিয়ে । দৰং জিলাৰ বৰমপুৰ জাতীয় বিদ্যালয়ৰ ছাত্ৰ ধৃতিৰাজ বাস্তৱ কলিতাই পদুমপুখুৰী হাইস্কুল পৰীক্ষা কেন্দ্ৰৰ পৰা হাইস্কুল শিক্ষান্ত পৰীক্ষাত অৱতীৰ্ণ হৈছিল ৷