চিৰাং, 26 ডিচেম্বৰ: অসমত বিজেপি চৰকাৰৰ শাসনকালত বিদেশী ঘোষিত ব্যাক্তি,বিদেশী ন্যায়াধিকৰণ,ডি ভোটাৰ আদিক লৈ ব্যাপক ৰাজনীতিৰ অভিযোগ তুলিছে চিৰাং জিলাৰ কংগ্ৰেছ কমিটিয়ে ৷ শুকুবাৰে বিজনী বড়োবাজাৰ ব্লক কংগ্ৰেছৰ কাৰ্যালয়ত এক সংবাদমেল সম্বোধন কৰি এই অভিযোগ তোলে চিৰাং জিলাৰ কংগ্ৰেছ কমিটিয়ে ৷
সংবাদমেলত চিৰাং জিলাৰ কংগ্ৰেছ কমিটিয়ে বিজেপিয়ে হিন্দুসকলক নাগৰিকত্ব প্ৰদানৰ নামত নাগৰিকত্ব সংশোধনী আইন গৃহিত কৰি ধৰ্মৰ নামত ৰাজনীতি কৰাৰ অভিযোগ উত্থাপন কৰে ৷ সমান্তৰালভাৱে একাংশ হিন্দু নাগৰিকক বিদেশীৰ সজাই ডিডেনচন কেম্পত বন্দী ৰখাৰ অভিযোগ উত্থাপন কৰে চিৰাং জিলাৰ কংগ্ৰেছ কমিটিয়ে ৷
উক্ত সংবাদ মেল সম্বোধন কৰে বিটিচি কংগ্ৰেছ দলৰ মুখ পাত্ৰ জামশ্বেৰ আলীৰ লগতে চিৰাং জিলাৰ কংগ্ৰেছ কমিটীৰ সাধাৰণ সম্পাদক অনিৰ্বাণ সেন আৰু বিজনী বড়োবাজাৰ ব্লক কংগ্ৰেছ সভাপতি আবু তালেব শিকদাৰে ।
লগতে পঢ়ক :গুৱাহাটীত স্থাপন হ'ব দেশৰ ভিতৰতে সু-বিশাল চিকিৎসা মহাবিদ্যালয়
