চৰাইদেউত বন্যহস্তীৰ তাণ্ডৱ

বন্যহস্তীয়ে লণ্ড ভণ্ড কৰে এটা ঘৰ। কথমপি প্ৰাণ ৰক্ষা পৰে পৰিয়ালটোৰ সদস্যসকলৰ।

চৰাইদেউ, ৬ মাৰ্চ : ৰাজ্যত অব্যাহত আছে হাতী-মানুহৰ সংঘাত । চৰাইদেউ জিলাৰ সোণাৰিৰ অশ্বিনী বিলত মঙলবাৰে বনৰীয়া হাতীয়ে লণ্ডভণ্ড কৰে এটা বাসগৃহ।

মঙলবাৰে নিশা বন্যহস্তীৰ এটা দলে বুধি কুমাৰ লিম্বু নামৰ এজন লোকৰ ঘৰত অতৰ্কিতে আক্ৰমণ কৰে । আক্ৰমণত পৰিয়ালৰ লোকসকলে প্ৰাণ ৰক্ষা কৰিবলৈ সক্ষম হয় যদিও হাতীৰ দলটোৱে সম্পূৰ্ণৰূপে ধ্বংসকৰে লিম্বুৰ বাসগৃহ ।