গুৱাহাটী,23 মাৰ্চঃ শুকুৰবাৰে বৰঝাৰ বিমানবন্দৰত উপস্থিত হৈ সদ্য বিজেপি ত্যাগী তেজপুৰৰ সাংসদ আৰ পি শৰ্মাই 20 বছৰধৰি অৱহেলিত হৈ থকা পুৰণি বিজেপিক লৈ অসনত নতুন বিজেপি দল গঠন কৰাৰ কথা ঘোষণা কৰে ৷ বিজেপিত নতুন কৰ্মীৰআগমনে পুৰণিক অৱহেলিত কৰিছে বুলি উল্লেখ কৰি নিৰ্বাচনৰ পাচতেই এই দল গঠন কৰা হ’ব বুলিও কয় আৰ পি শৰ্মাই ৷ এইবাৰ ৰাইজৰ চকীদাৰ নহয় নামৰ আগত আৰ পি শৰ্মাই ৰাইজৰ চাকৰ বুলি লিখাৰ কথা উল্লেখ কৰে সাংবাদিকৰ আগত ৷ ৰাইজৰ লগত থাকি বাচন-বৰ্তন ধুই চাকৰ হিচাপে থাকিব বিচাৰে প্ৰাক্তন বিজেপি নেতাগৰাকীয়ে ৷
পুৰণি কৰ্মীক লগত লৈ অসমত গঠন হ’ব নতুন বিজেপি !
উল্লেখ্য যে , শুকুৰবাৰৰ এই মহাবিস্ফোৰণৰ পাচত ৰাজ্যিক বিজেপিত কি প্ৰভাৱ পৰিব তথা নতুনকৈ গঠন হ’ব লগা আৰ পি শৰ্মাৰ বিজেপিয়ে কেনেদৰে আগন্তুক দিনত জনতাৰ মাজলৈ যাব সেয়া সময়েহে ক’ব ৷
