কেনেদৰে চলিছে মহানগৰীৰ সৌন্দৰ্যবৰ্ধন প্ৰকল্পৰ কাম ! কি দেখিলে মন্ত্ৰী হিমন্ত বিশ্ব শৰ্মাই ?

সোমবাৰে ভৰলুমুখৰ পৰা জালুকবাৰীলৈ প্ৰস্তাৱিত পদপথৰ সৌন্দৰ্যবৰ্ধন প্ৰকল্পৰ কামৰ বুজ ললে মন্ত্ৰী হিমন্ত বিশ্ব শৰ্মাই ৷ আনহাতে কামাখ্যা গে’ট আৰু মালিগাঁও চাৰিআলিত এক্সেলেটৰৰ সুবিধাযুক্ত ফুট অ’ভাৰব্ৰীজ দুখনো পৰিদৰ্শন কৰে মন্ত্ৰীগৰাকীয়ে

গুৱাহাটী, 3 জুনঃ গুৱাহাটী মহানগৰীৰ সৌন্দৰ্যবৰ্দ্ধনৰ কামৰ বুজ লোৱাৰ উদ্দেশ্যে সোমবাৰে পুৱাই গুৱাহাটীৰ বিভিন্ন প্ৰান্তত উপস্থিত হ’ল মন্ত্ৰী ডo হিমন্ত বিশ্ব শৰ্মা । মন্ত্ৰীগৰাকীয়ে ভৰলুমুখৰ পৰা জালুকবাৰীলৈ প্ৰস্তাৱিত পদপথৰ সৌন্দৰ্যবৰ্ধনৰ কামৰ বুজ লয় আনহাতে কামাখ্যা গে’ট আৰু মালিগাঁও চাৰিআলিত এক্সেলেটৰৰ সুবিধাযুক্ত ফুট অ’ভাৰব্ৰীজ দুখনো পৰিদৰ্শন কৰে মন্ত্ৰীগৰাকীয়ে । কামৰ গতি দ্ৰুততৰ কৰাৰ লগতে নিৰ্ধাৰিত সময়ত নিৰ্মাণ সম্পূৰ্ণ কৰিবলৈ নিৰ্দেশ দিয়ে বিভাগীয় কৰ্তৃপক্ষক ৷

লগতে চানমাৰিৰ পৰা গুৱাহাটী উচ্চ ন্যায়ালয়ৰ সমীপলৈ প্ৰস্তাৱিত পদপথ সৌন্দৰ্যবৰ্দ্ধনৰ কামৰো বুজ লয় মন্ত্ৰীগৰাকীয়ে ।‌ উল্লেখ্য যে কেইদিনমান পূৰ্বে আধাৰশিলা স্থাপন কৰা গণেশগুৰিৰ উৰণীয়া সেঁতুৰ চানমাৰিৰ দিশৰ অতিৰিক্ত বাহুৰ নিৰ্মাণস্থলী পৰিদৰ্শন কৰি বিভাগীয় কৰ্তৃপক্ষৰ সৈতে যান-বাহনৰ পথৰ সাল-সলনিৰ বিষয়েও আলোচনা কৰে মন্ত্ৰী হিমন্ত বিশ্বশৰ্মাই ।

লগতে পঢ়কঃ মিলনভূমিত পৰিণত তীৰ্থনগৰী হাজো